‘जुनाः एक व्यथा’को रत्यौली गीत रिलिज

माघको २५ गतेबाट रिलिजमा आउन लागेको फिल्म ‘जुनाः एक व्यथा’को नयाँ गीत ‘साली ज्यू’ सार्वजनिक गरिएको छ । गीतमा पूर्णकला बीसीको स्वर, भीमबहादुर पौडेलको शब्द र बीबी अनुरागीको संगीत छ । 

सार्वजनिक गीतको भिडियोमा बिनु कार्की, अस्मिता बस्नेत, नेहा गौतमले नृत्य गरेका छन् । बिषेशत विवाहमा महिलाहरूले नाँच्ने रत्यौलीलाई  प्रस्तुत गरिएको गीतमा एक केटीलाई केटाको गेटअपमा पनि प्रस्तुत गरिएको छ ।

हाँसो ठट्टा शैलीको यो गीत एक घरको आँगनमा खिचिएको छ । गोदावरी फिल्मस् प्रोडक्सन एण्ड रिसर्च प्रालिको व्यानरमा निर्माण भएको यो फिल्मले बाल विवाह, अनमेल विवाह, महिला हिंसाको कथालाई उठान गरेको छ ।

दीपक प्रसाद घिमिरेको निर्माणमा तयार भएको फिल्ममा जीवन सेञ्चुरीको निर्देशन छ ।

फिल्ममा अस्मिता ढकाल, कृष्णप्रसाद धिताल, देशभक्त खनाल, रश्मी भट्ट, अनिता बस्नेत लगायतका कलाकारहरुको अभिनय छ ।