‘डोरी’को ‘चुच्चे ढुङ्गो’ गीतः आर्यन र अञ्जनाको छमछमी

चैत्रको १५ गतेबाट रिलिजमा आउन लागेको फिल्म ‘डोरी’को पहिलो गीत ‘चुच्चे ढुङ्गो उही टुङ्गो’ सार्वजनिक गरिएको छ । सार्वजनिक गीतमा राजनराज सिवाकोटी र अञ्जु पन्तको स्वरमा समावेश यो गीतमा सिवाकोटीकै शब्द तथा संगीत छ । 

गीतको भिडियोमा नायक आर्यन सिग्देल र नायिका अञ्जना बराइलीले नृत्य गरेका छन् । कविराज गहतराजको कोरियोग्राफी रहेको भिडियोलाई सौरभ लामाले खिचेका हुन् । 

गीतमा गायक सिवाकोटीले नेपाली समाजमा प्रचलित ठेट शब्दहरूलाई प्रयोग गरेका छन् । अरुण लामाको लेखन तथा निर्देशनमा तयार भएको यो फिल्ममा प्रवीण खतिवडा, शिशिर वाङ्देल, प्रकाश घिमिरे, अरुण लामा, अञ्जना बराइली, राज पौडेल, कविता आले लगायतका कलाकारहरुको अभिनय छ । 

दिनेश भट्टराइको लगानीमा तयार भएको यो फिल्मका कार्यकारी निर्माता राज थापा हुन् । फिल्ममा राजु तामाङको एक्सन, मिलन श्रेष्ठको सम्पादन छ । 

आर्यन र अञ्जनाले यसअघि फिल्म ‘पूजार सार्की’मा पनि एकसाथ काम गरेका थिए ।