विकास बोर्डले सार्वजनिक गर्‍यो कथा सङ्ग्रहालयको नतिजा

चलचित्र विकास बोर्डले कथा सङ्ग्रहालय (स्टोरी बैङ्क)को नतिजा सार्वजनिक गरेको छ । सार्वजनिक नतिजा अनुसार ७ कथानक र १० छोटा फिल्म कथा बैङ्कका लागि छनोट भएका छन् ।

कथानकतर्फ गणेश खत्रीको ‘झोलुङ्गे’, पुरु लम्सालको ‘घटवारे’, माधवराज खरेलको ‘मृत्यु कोष’, दुर्गा कार्कीको ‘मैलो म’, दिलबन्धु यादवको ‘सियाही’, तुलराज शाहीको ‘फूलमाया’, अनिल कुर्मीको ‘मोथा’ छन् । छोटो फिल्मतर्फ उद्धव अविदितको ‘हराएको मान्छे’, श्यामबहादुर लिम्बुको ‘मानिस हराएको सूचना’, गोपाल आचार्यको ‘जन्मदिन’, किरण श्रेष्ठको ‘दोभान’, किशोरकुमार अधिकारीको ‘सारङ्गी गाउँको’, सरिता साहको ‘मनकी’ छन् । साथै, छोटो फिल्मतर्फ योगेन्द्रराज रानाको ‘लेडी इन ब्लु सारी’, विमल पौडेलको ‘टाटु’, राजन कठेतको ‘अक्सिजन’ र निराकारभक्त राईको ‘सुरिलो रुख’ छन् ।

यथार्थपरक, सिर्जनात्मक एवं मौलिक कथा, पटकथा, संवादको माध्यमबाट फिल्मलाई सबल, सशक्त, गुणस्तरीय बनाई राष्ट्रिय तथा अन्तर्राष्ट्रिय बजारमा नेपाली चलचित्रको विकास, विस्तार, प्रवर्द्धन र सम्वद्र्धन गर्न उत्कृष्ट स्क्रिप्टको छनोट गरी स्क्रिप्टका लेखकलाई प्रोत्साहन तथा चलचित्र निर्माणमा सहकार्य÷सहयोग गर्ने कार्यक्रम अनुसार फिल्म छनोट गरिएको बोर्डले जनाएको छ ।