म्युजिक भिडियोमै साम्राज्ञी यति बोल्ड

फिल्ममा काम गर्न खासै रुची नदेखाएकी नायिका साम्राज्ञी राज्यलक्ष्मी शाह म्युजिक भिडियोमा भने व्यस्त देखिएकी छिन् । महँगो पारिश्रमिक लिएर उनले भिडियोमा काम गर्दै आएको वुझिन्छ । 

केही समय अगाडि साम्राज्ञीको ‘मालती’ बोलको गीतको भिडियो रिलिजमा आएको थियो । उक्त भिडियोले दर्शकको खासै साथ नपाएपनि साम्राज्ञीको पहिरन र नृत्यको भने चर्चा भएको थियो । 

उनै, साम्राज्ञीले नयाँ म्युजिक भिडियो ‘हरे हरे’मा काम गरेकी छिन् । साम्राज्ञी राज्यलक्ष्मी शाह र विशाल खरेलको अभिनय रहेको यो गीतको भिडियो थाइल्याण्डमा खिचिएको हो । भिडियोमा साम्राज्ञी निकै नै बोल्ड देखिएकी छिन् । 

सुमित पाठकले तयार पारेको यो गीतको भिडियोलाई सौरभ लामाले खिचेका हुन् । भिडियोमा विशालसँग साम्राज्ञीको बोल्ड अवतार देख्न सकिन्छ । साम्राज्ञीले भिडियोमा विकिनी लगाएर नृत्य गरेकी छिन् । थाइल्याण्डको समुन्द्रमा खिचिएको गीतको अडियो केही फरक छ ।