फिरोजको ‘यो कस्तो खुशी’मा सहारा र मनोज

फिल्म ‘दर्पण छायाँ २’मा अभिनय गरेका कलाकार फिरोज तिमिल्सिनाले ‘यो कस्तो खुशी’ बोलको गीत सार्वजनिक गरेका छन् । यो गीतमा फिरोजको स्वर, मिलन पोखरेलको शब्द र प्रकाश नेपालीको संगीत छ ।

अमेरिकामा रहेका फिरोजको यो गीतले आफू भन्दा टाढा रहेका प्रेमिल जोडीको कथा भन्छ । अमेरिकामा नै छायांकन गरिएको यो गीतमा कलाकार सहारा कार्कीले अभिनय गरेकी छिन् ।

गीतको भिडियोमा उनलाई मनोज श्रेष्ठले साथ दिएका छन् । फिरोजले अनुप गिरीसँग मिलेर यो गीतको निर्देशन गरेका हुन् । भिडियोको छायांकन र सम्पादन पनि गिरीले नै गरेका हुन् ।