हरर फिल्म ‘ममी’ को टिजर सार्वजनिक

हरर फ्यामिली ड्रामा ‘ममी’को टिजर सार्वजनिक भएको छ । फिल्मले परिवारको प्रिय कुकुरको निधन पश्चात् छोरीले घरमा कालो बिरालो पाल्न थालेपछि सिलसिलेवार ढङ्गले परिवार निम्तिने काला विपत्तिको शृङ्खला र त्यसले विगठन उन्मुख हुन थालेको परिवारको कथा पेस गर्छ ।

माघ २५ गते रिलिज हुने फिल्ममा प्रियङ्का कार्की, दिया मास्के तथा सुलक्षण भारतीको प्रमुख भूमिका रहेको छ ।  फिल्ममा उनीहरूका अलावा समीप निरौला, घनश्याम जोशी, आयुषी ढकाल, जेभिस श्रेष्ठ, गीत विष्टलगायतका कलाकारहरूको अभिनय रहेको छ ।

सो  ट्वान्टी फाइभको प्रस्तुतिमा निर्माण भएको फिल्ममा समर निरौला र पूर्णिमा जोशीको लेखन तथा समर निरौलाको  डेब्यु निर्देशन रहेको छ । फिल्मका निर्माता लोक राज जोशी तथा पूर्णिमा जोशी हुन भने कार्यकारी निर्माता सुमन कोइराला रहेका छन् ।

‘ममी’को छायाङ्कन निशाल पौडेल र शरद महतोले संयुक्त रूपमा गरेका हुन् भने सम्पादन सुरेन महर्जनको रहेको छ । यसै गरी पार्श्व ध्वनिमा रोहित शाक्य, साउन्ड डिजाइनमा श्रवल आर पि रङ्ग संयोजनमा दीपेश चौधरी तथा सङ्गीतकारमा एसडी योगी रहेका छन् । फिल्ममा काठमाडौँ उपत्यकामा काफिया फिल्मस् र मोफसलमा कुवेर सिने डिष्ट्रीव्युसनले वितरण गर्दै छन् ।