नयाँ फिल्म बनाउदै राजु गिरी

काठमाडौँ । निर्देशक राजु गिरी नयाँ फिल्मको तयारीमा जुटेका छन् । उनको नयाँ फिल्म `डल्लेले इन्ट्री मार्‍यो´ को स्क्रिपट पूजा गर्दै फिल्मको कामको थालनी गरेका हुन् । फिल्मको आज पुस १३ गते शनिवार भद्रकाली मन्दिरमा स्क्रिप्ट पूजा सम्पन्न गरिएको छ ।

उसा फिल्मसको ब्यानरबाट निर्माण हुने फिल्मको छायाङ्कन फागुन पहिलो साताबाट सुरु गरिने तयारी छ । सौराहा र दोलखामा खिचिने फिल्ममा बाबुल गिरी र रिमेशकुमार थापाको सङ्गीत रहने छ । आशिक बस्नेत,आदर्श बस्नेत र निर्मला बस्नेत निर्माता रहेको फिल्मका कलाकार तथा प्राविधिक केही सातामा चयन गरिने जनाइएको छ ।

०८२ लक्ष्मीपूजामा प्रदर्शन गर्ने लक्ष्य लिइएको फिल्मको पटकथा,संवाद पुनः लेखन लक्ष्मण सुवेदीले गरेका हुन् ।