४ लाखबाट १० लाख पारिश्रमिक मागेर सलोनले छाडेका थिए ‘हामी तिन भाई’

नायक सलोन बस्नेतले केही महिना अगाडि फिल्म ‘हामी तीन भाइ’ साइन गरेका थिए । निर्माणपक्षले सलोन फिल्मको ३ वटा भाइ मध्ये एउटा भाइ भएको भन्दै मिडियामा खबर दिएको थियो । तर, छायांकन सुरु हुन केही दिन मात्र बाँकी रहँदा यो फिल्ममा सलोन बस्नेत छैनन् । फिल्मको लाइनअप पुरा भएको छ । फिल्ममा विनोद न्यौपाने र कुशल विष्ट मुख्य कलाकारको रुपमा अनुबन्धित छन् ।
 
मधुसूदन भट्टराईको निर्देशनमा तयार भएको यो फिल्मका लागि सलोनले सुरुवातमा साढे ४ लाख हारहारीको पारिश्रमिकमा फिल्म साइन गरेका थिए । तर, यो फिल्म निर्माण हुन केही समय लाग्यो । 

मधुसूदन फिल्म ‘दौँतरी’ बनाउने सुरमा लागे । तर, पछि फेरि उनले ‘दौत्तरी’को कामलाई पोस्टपोन्ड गर्दै ‘हामी तीन भाइ’ बनाउने तयारी थाले । 

तर, दोस्रो पटक सलोन बस्नेतले पारिश्रमिक १० लाख दिए मात्र आफू काम गर्न तयार भएको बताए । यसपछि, निर्माण पक्ष र उनीबीच काम अगाडि बढ्न सकेन । उनको ठाउँमा निर्माणपक्षले अन्य कलाकारलाई अनुबन्धित गर्यो । 

सलोन आफ्नै होम प्रोडक्शनको फिल्म ‘जय हो’ रिलिजको चटारोमा छन् । यो फिल्म भदौको ८ गतेबाट रिलिज हुँदैछ ।