आज विश्व रङ्गमञ्च दिवस
![](https://snowberry.prixacdn.net/media/gallery_folder/World%2520Theatre%2520Day_v6w1jb1NKx_cs3jwzkdrd7romx2fyeoe4ncbn2vtc6ukx3uh7h9avfvuitkjvq0hjthfoc1_bY6HFXSyoI_hr3vsxqxz8hi64qgaipouvrchadxaao7n4bkmwf67cqkjby75sqqo7umednb.jpg)
विश्व रंगमञ्च दिवस आज (सोमबार) नेपालमा पनि विभिन्न कार्यक्रम गरी मनाइँदैछ । सन् १९६१ मा अन्तर्राष्ट्रिय रङ्गमञ्च इन्ष्टिच्यूटले यो दिवसको अवधारणा ल्याएपछि हरेक वर्षको मार्च २७ तारिखमा विश्व रङ्गमञ्च दिवस मनाइन्छ ।
सन् १९६२ मा पहिलो विश्व रङ्गमञ्च दिवसको सन्देश फ्रान्सका प्रसिद्ध नाटकार जेन ककटेउले लेखेका थिए । संस्कृति, संरक्षण र शान्ति स्थायित्वलाई जोड दिँदै विकृति विसङ्गतिलाई हटाउन नाटकमार्फत् उत्प्रेरणा जगाउने उद्देश्यले यो दिवस मनाउन थालिएको हो । दिवसको अवसरमा नेपालका विभिन्न स्थानमा कार्यक्रमहरू आयोजना हुने गरेका छन् । यो दिवसलाई हरेक वर्ष रङ्गकर्मीहरूले नाटकमार्फत् मनाउँदै आएका छन् ।
यो दिवसले रंगमञ्च कलाको सार, सौन्दर्य र महत्त्व, मनोरञ्जनमा तिनीहरूको महत्वपूर्ण भूमिका र रंगमञ्चले जीवन मा पारेको प्रतीकात्मक प्रभावबारे मनाइन्छ। यो दिनले विश्वभरका सरकार, राजनीतिज्ञ, संस्था र सरोकारवालाहरूलाई थिएटरको मूल्य र आर्थिक वृद्धिको सम्भावनालाई जानकारी गराउन पनि काम गर्दछ ।
नेपालमा पछिल्लो समयमा रङ्गमञ्चप्रति आकर्षण बढ्दै गएको पाइएको छ । काठमाडौं उपत्यकामा सञ्चालनमा रहेका १० वटा नाटकघरमा नियमितजसो नाटक मञ्चन भइरहेका छन् । उपत्यकाबाहिर पनि रंगकर्म अभियान चलिरहेका छन् । यसबाहेक विदेशका नाट्य महोत्सवमा पनि नेपाली नाटकले स्थान बनाउन थालेका छन् ।
खासगरी भूगोल र संस्कृतिमा आधारित नाटक पछिल्लो समय रंगमञ्चमा देखाइने खुराक बनेको छ । नाटक सिकेर अन्य अवसरका ढोका खोल्न चाहने युवापुस्ताको आकर्षण पनि रंगमञ्चप्रति बढेको छ ।
तर दर्शकहरुको आकर्षण अपेक्षाअनुसार नभएको अनुभव रंगकर्मीहरुले गरेका छन् । काठमाडौंका गुरुकुल, सर्वनाम, थिएटर मल, मण्डला, शिल्पी, कौसीलगायत संख्यामा वृद्धि भए पनि राम्रा कथावस्तुको अभावले गुणात्मक नाटकको कमी एकातिर छ भने अर्कातिर राम्रै नाटकको पनि प्रचार नहुँदा नाटकघरसम्म दर्शकलाई डोर्याउन नसकिए उनीहरुको भनाइ छ ।
रंगमञ्चमा आकर्षण बढाउन रंगकर्मीहरुले एकातिर राम्रा नाटक पस्कन मिहिनेत गर्नुपर्ने देखिन्छ भने अर्कोतिर प्रचारप्रसारको दायरा पनि फराकिलो बनाउनुपर्ने देखिन्छ ।
![वर्षाको नाटकमा डेब्यू](https://snowberry.prixacdn.net/media/gallery_folder/barsha%2520raut_0PRtvYHwVK_uocpnvbkl9uzlbi8kndlnak3kyv1cbytxpuvcafvvb6wzycpmtyggpfwqpjh_gVKerogwOz_jw3t9ig03xynzqhpkm9oon9h2tpxagvz659vyuvwpfv5qzxjixwgcllemecu.jpg)
वर्षाको नाटकमा डेब्यू
![शिल्पी थिएटरमा ‘झोडा’](https://snowberry.prixacdn.net/media/gallery_folder/ghoda_GMe72FUlxr_9qsxn4fjhtivd6iscy2rch9bgpgvxtrwbnzslusljtdiwcc02dy2gsh3uwk1_XzOLUD0bjP_pegwnwjjuuu1cdh7bpclchqbiyw59bg7e49agpxpciwj3aywid0djg5dlpel.jpg)
शिल्पी थिएटरमा ‘झोडा’
![माघ ११ देखि मण्डलामा 'मासिन्या' मञ्चन हुँदै](https://snowberry.prixacdn.net/media/gallery_folder/Masinya.jpg_i4l2dTX0KX_qywmoe3zlzzr9dof8078prglwy7slk8kptxtw15qpqeyqeiqqpemoimg4lus_7ISVohRxar_cwjo4qmyklnxmlpimuipcy9v6vqhpj6fro0suet1deynfrukc1v6jeape2dh.jpg)
माघ ११ देखि मण्डलामा 'मासिन्या' मञ्चन हुँदै
!['पगला घोडा' पुस १२ गतेबाट मञ्चन हुने](https://snowberry.prixacdn.net/media/gallery_folder/409715516_906215181133273_9218427290929897615_n_k2iUVV0Gef_ad0ryz5yxncs2jetmd6it8cgmj6ullgs4iiujpnvykmsaxwzztdetah9xxgu_6mEjZFvMYs_pfkhvxig92krisbidzi56q8wpyjb3biwfacofiezyohyfd5kg9cwncqvabo3.jpg)
'पगला घोडा' पुस १२ गतेबाट मञ्चन हुने
![मण्डलामा असोज १६ बाट नाटक ‘ब्यूँझिएको सिरानी’ मञ्चन हुँदै](https://snowberry.prixacdn.net/media/gallery_folder/382326480_618285583830999_1767384606092008688_n_VjlugXdS3O_mqa5zzdzwxhiyssp3rdbf20riyr2adgpmbg3jyowbcogo373o06obvxls96a_U6yTkLRK8l_jn1fbgpitcthnqwkmqrftoaivsd0azipjmt9mbwjt8isrwbupnhuue8yda8s.jpg)
मण्डलामा असोज १६ बाट नाटक ‘ब्यूँझिएको सिरानी’ मञ्चन हुँदै
'वेडिङ एल्बम' नाटक रुचाइँदै
![बुद्ध र भिखारी– बुद्धलाई प्रश्न सोध्न हिँडेको भिखारीको कथा](https://snowberry.prixacdn.net/media/gallery_folder/343186874_1068930680750732_1708239733816867716_n_FrAGKxZ1oS_4zeiveqxhhuwyfd4zftt2vmjsgcy8t522wl6aioukvrrs8kaz0cgzxyfeejm_vZHRy6Q2AN_ce5zwrnrpgfqmdoj3jtbfhyfmqqyghxdux53itbemylsffrxinuhshkjajji.jpg)
बुद्ध र भिखारी– बुद्धलाई प्रश्न सोध्न हिँडेको भिखारीको कथा
![मण्डला नाटक घरमा जेठ १६ देखि बुद्ध र भिखारी](https://snowberry.prixacdn.net/media/gallery_folder/343263783_785048209960672_6920929451696186817_n_j7qiXC5P53_aau4ve1t3whvltju9l1feuhro5548l9xtng3ubwlocbfrt8ljgkq3nzpcc6y_N4WNyqFilQ_mykcp8qt6y2edbk8o0lw8lrkjgutyqxyn4fgkotdenc1eublwr777hbp6na4.jpg)
प्रतिक्रिया