‘होस्टेल ३’का ‘मनमा अनौठो’ गीतः सिम्रनसँग कुल ब्वाइको रोमान्टिक प्रेम

पहिलो गीतले चर्चा पाएपछि फिल्म ‘होस्टेल ३’ले दोस्रो प्रेमिलो गीत सार्वजनिक गरेको छ । ‘मनमा अनौठो’ बोलको मायाले भरिएको गीतको अडियो कर्णप्रिय छ । सार्वजनिक गीतको भिडियोमा कलाकार पारस बम र सिम्रन पन्त फिचरिङ छन् ।

गीतमा शब्द तथा संगीत अर्जुन पोखरेलको छ भने रेश्मा पुन र उकेश रावलको स्वर छ । यो गीतले दर्शकको मन छुने विश्वास गर्न सकिन्छ । प्रवीण सिंहले भिडियोको कोरियोग्राफी गरेका हुन् । सशान कँडेलको निर्देशनमा तयार भएको यो फिल्मलाई माधव शर्माले लेखेका हुन् । फिल्मले क्याम्पस जीवनका संघर्ष, मित्रता, रमाइला पलहरुलाई समेटेको छ ।

यो फिल्ममा रिहान गिरी, आशिष घिमिरे, पदम तामाङ, हेना नगरकोटी, सम पराजुली लगायतका कलाकारहरूको पनि अभिनय छ । सम्मान इन्टरटेन्मेन्टले आरोन कन फिल्मस्सँग सहकार्य गर्दै यो फिल्मको निर्माण गरेको हो ।

सुरेश कँडेल, कर्ण कार्की र गोविन्दा अधिकारी निर्माता रहेको फिल्मका कार्यकारी निर्माता शंकर कोइराला हुन् । फिल्ममा अर्जुन तिवारीको डीओपी, बुद्ध थापा र मनोज खत्रीको सिनेमाटोग्राफी, विकास दाहालको सम्पादन, हिमाल केसीको एक्सन छ ।

फागुनको २३ गतेबाट यो फिल्म नेपालसँगै विश्वका विभिन्न देशमा रिलिज हुँदैछ । ‘होस्टेल’का अघिल्ला दुई सिरिजले पनि दर्शकको साथ पाएको थियो । यो फिल्मले पनि दर्शकको साथ पाउने विश्वास गरिएको छ ।