मुद्दा फिर्तापछि मात्र ‘एक्टर–टेक १’ चलाउने हलको अडान, बिहानको शो हटाइयो

‘एक्टर टेक वान’को बिहानीको शोज क्यूएफएक्सले हटाएको छ । मुद्दा फिर्ताको प्रक्रिया पुरा भएपछि मात्र हलले शो चलाउने अडान लिएपछि क्यूएफएक्सले खुलाएको शो पनि हटाएको छ ।

बिहान साढे ११ बजेपछिका शो भने क्यूएफएक्सले यथावत् राखेको छ । बिहानीका शोजहरु क्यूएफएक्सले हटाएको हो । 

अन्य हलले पनि बिहानको शोज राखेका छैनन् । चलचित्र संघले पनि मुद्दा फिर्ताको प्रक्रिया पुरा नभएसम्म शोज नखुलाउने अडान लिएको छ । चलचित्र संघले आज बेलुकी विज्ञप्ति जारी गर्दै नियमानुसार फिल्म प्रदर्शन गर्न गराउन सकिने उल्लेख गरेको थियो । 

अब, भोलि बिहान अदालत खुलेपछि मात्र मुद्दा फिर्ताको प्रक्रिया सुरु हुनेछ । प्रक्रियागत रुपमा मुद्दा फिर्ता नभएसम्म फिल्म हलमा नलगाउने अडान चलचित्र संघको छ ।

चलचित्र संघका अध्यक्ष नरेन्द्र महर्जनले पनि प्रक्रिया पुरा गरेर मात्र फिल्म चलाउने बताए । अदालतबाट मुद्दा फिर्ता भएपछि मात्र फिल्म लगाउने उनको भनाई छ । 

योसँगै भोलि कति बजेबाट फिल्म हलमा लाग्छ भन्न सकिने अवस्था छैन ।