‘फेरि रेशम फिलिली’को ‘फेरि जालमा’ गीत रिलिज

फागुनको १४ गतेबाट रिलिजमा आउन लागेको फिल्म ‘फेरि रेशम फिलिली’को दोस्रो गीत सार्वजनिक भएको छ । सार्वजनिक ‘फेरि रेशम फिलिली’ गीतलाई रमाइलो शैलीमा तयार पारिएको छ । १० वर्ष अगाडि ‘जालमा’ बोलको गीत भाइरल भएको थियो ।

यही गीतका कारण फिल्म ‘रेशम फिलिली’ दर्शकको ध्यान खिचेको थियो । अब यही गीतलाई निर्माणपक्षले रि–क्रियट गरेर सार्वजनिक गरेको हो । सोही गीत आज एक कार्यक्रमको आयोजना गरि सार्वजनिक गरिएको हो । कालीप्रसाद बास्कोटाको संगीतमा तयार भएको यो गीतमा मानस राजको शब्द, कालीप्रसाद र सोमिया बराइलीको स्वर छ । गीतको भिडियोलाई प्रदीप लामाले कोरियोग्राफी गरेका हुन् । गीतको भिडियोमा फिल्मका मुख्य कलाकारहरू विनय श्रेष्ठ र सुपुष्पा भट्टलाई फिचरिङ गरिएको छ ।

निरज महर्जनले निर्देशन गरेको यो फिल्ममा कामेश्वर चौरासिया, नीर शाह, प्रकाश घिमिरे, शिशिर वाङ्देल, रविन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापा लगायतका कलाकारहरुको अभिनय छ ।

सुसन प्रजापतिको छायांकन, निर्देशक महर्जन र आकाश बरालको पटकथा, नरेश किङ्ग योगीको एक्सन, कालीप्रसाद बाँस्कोटा, एसडी योगी, हर्क साउद, जयन जे वाइवा, दीपक शर्माको संगीत, सुरेन्द्र पौडेलको सम्पादन यो फिल्ममा छ ।

सिनेमा आर्ट र वि मोसन पिक्चर्सको सहकार्यमा निर्माण भएको फिल्ममा रौनक विक्रम कँडेलको लगानी छ । सुरज बम ठकुरी कार्यकारी निर्माता रहेको यो फिल्ममा एनि थापा सह–निर्माताको रुपमा छन् ।