क्यूएफएक्स चेनमा २.५ फिट मुनिका बच्चालाई प्रवेश निषेध

देशकै सबैभन्दा ठूलो मल्टिप्लेक्स चेन क्यूएफएक्सले बालबालिकाहरूलाई हलमा प्रवेश निषेध गरेको छ । 

सामाजिक संजाल फेसबुकमा एउटा नोटिस जारी गर्दै क्यूएफएक्सले २.५ फिट भन्दा मुनिका बच्चाहरूलाई फिल्म हलमा प्रवेश गर्न निषेध गरिएको जानकारी दिएको हो । २.५ फिट भन्दा माथिका सबै दर्शकलाई भने तोकिएको टिकट शुल्क नै लाग्ने बताइएको छ । 

विशेषगरि, बालबालिकाहरूको स्वास्थ्यलाई ख्याल गर्दै र हलमा मनोरञ्जनात्मक वातावरण बनाउनका लागि यो निर्णय लिइएको क्यूएफएक्सले उल्लेख गरेको छ । उसो त पछिल्लो केही समयदेखि अधिकांश हलले यो सूचना जारी गर्दै आएका छन् ।