कल्कीमा महेश बाबु !

नाग अश्विन, प्रभास, दीपिका पादुकोण र अमिताभ बच्चनको शीर्ष भूमिका रहेको  ‘कल्की २८९८ एडी’ को सिक्वेल बन्ने चर्चा छ । फिल्मको अर्को भागमा दक्षिण भारतका सेन्सेशन महेश बाबुको इन्ट्री हुने हल्ला चलिरहेको छ । महेशले फिल्ममा भगवान् श्रीकृष्णको भूमिका निर्वाह गर्न सक्ने चर्चा छ ।

फिल्मको अन्त्यतिर एउटा दृश्य देखाइएको थियो जहाँ श्रीकृष्ण जस्तै देखिने व्यक्तिको छाया हुन्छ । कुरुक्षेत्रको युद्धभूमिमा प्रभासको कर्ण स्वरूप सार्वजनिक गरिन्छ । तर यो दृश्यमा श्रीकृष्णको पात्र कृष्ण कुमार बालासुब्रमण्यमले निर्वाह गरेका थिए । तर फ्यानहरूले यो भूमिका दक्षिण भारतका दुई चर्चित अभिनेता महेश बाबु र नानीको नाम सुझाइरहेका छन् ।

नाग अश्विनले भने महेश बाबुलाई यस भूमिकाका देख्न चाहेको बताएका छन् । तर उनको योजना योभन्दा फरक भएको पनि उनले भनिसकेका छन् । ‘म कल्कि युनिभर्समा भगवान् श्रीकृष्णको अनुहार सार्वजनिक गर्न चाहँदैनथेँ । तर यो रोलमा कोही फिट हुन्थे भने मेरो हिसाबले महेश बाबु ठिक हुन्थे। यस्तो भयो भने फिल्मको कलेक्सन पनि राम्रो हुन्थ्यो भन्ने मलाई लाग्छ,’ अश्विनले भनेका छन् । तर आधिकारिक रूपमा भने फिल्ममा महेशको सहकार्यको कुनै सङ्केत आएको छैन ।