‘गीत’ फाइनल भएसंगै मिडियामा पहिलो पटक क्रिस्टिना (भिडियो सहित)

Mero Film

असार १५, २०७६ आइतबार ०२:३७

सफल फिल्म ‘प्रेम गीत’ को सिरिज प्रेम गीत ३का लागि गीतको भूमिकामा ‘क्रिस्टिना गुरुङ’ फाइनल भएकी छन् । उनी फाइनल भए संगै पहिलो पटक मिडियामा आएकी छन् । उनले आफ्नो बिषयमा केहि जानकारी तथा फिल्म सम्बन्धि केहि जानकारी दिएकी छन् ।

काठमाण्डौमा जन्मिएकी उनी काठमान्डौ र मामाघर चितवनमा हुर्किइन् । चितवनमा हुदा सर्वोदय स्कुल पढेकी उनी काठमाण्डौमा कान्तिपुर इंगलिस हाइ स्कुलकी बिद्यार्थी थिइन् । उनी हाल अमेरिकामा इन्फर्मेसन सिस्टमको अध्ययन गर्दै छिन् फिल्मलाई अन्त सम्म समय दिएर अमेरिका फार्किने र आफ्नो अध्ययन पुरा गर्ने उनको तयारी रहेको छ ।

‘गीत’ का लागि अडिसन दिएको ३, ४ दिनमा फाइनल होला भनेर सोचेकी उनले परिणामका लागि एक हप्ता नै कुर्न पर्यो । फिल्मकालागि छानिदा आफु एकदम भाग्यमानी रहेको ठान्ने उनी पहिलो फिल्म नै सफल फिल्मको सिरिज र चर्चित टिमको सदस्य बन्नु पनि भाग्य कै कारण मान्छिन् । साथै मिडिया र दर्शकको मायाले आफुलाई उत्साहित बनाएको र यो माया फिल्म प्रदर्शनको समय सम्म रहिरहेमा आफुले फिल्ममार्फत सन्तुस्टी दिने प्रयास गरिरहने बताइन् ।
‘गीत’ का लागि उनको तयारी (भिडियो)

फिल्मको तयारी स्वरूप उनी हर्स राइड़ीङमा ब्यस्त छिन् फिल्मको कथा मात्रै सुनेको तर कथा बाट नै आफु एकदम उत्साहित रहेको उनले बताइन् । तर उनले अहिले सम्म स्क्रिप्ट भने पढ्न पाएकी छैनन् स्क्रि । प्ट पढेर आफ्नो क्यारेक्टर बुझे संगै आफुमा ल्याउन पर्ने परिवर्तनको बिषयमा सोचेर आफुलाई पात्रमा ढाल्न भरपुर मेहेनत गर्ने उनको भनाइ छ ।

आमाको खड्का र बाबाको गुरुङ थर आफ्नो नाममा राख्दा विवाहित हो र ? भन्ने प्रश्नले पछ्याएको कारण उनी दुवै थर प्रति माया हुदा हुदै पनि गुरुङनै लेख्न थालेकि छन् । ५ फिट ४ इन्च अग्ली गुरुङको तौल भने उचाईको तुलनामा कम छ । उनी ४६ किलोग्राम मात्रै रहेकी छन् । उनी गीत क्यारेक्टरलाई न्याय दिन सफल बनुन्, शुभकामना !
गीत फाइनल भए संगै उनको पहिलो अन्तर्वार्ता (भिडियो)