‘प्रेम गीत ३’का लागि गीतको भूमिकामा ‘क्रिस्टिना गुरुङ’ फाइनल

प्रेम गीत ३ का लागि गीतको भूमिकामा क्रिस्टिना गुरुङ फाइनल भएकी छन् । २४ प्रतिष्पर्धीलाई पछी पार्दै उनी गीतको भूमिका लागि छानिएकी हुन् ।

गीत फाइनल भएको बिषयमा फिल्मका निर्माता तथा निर्देशक सन्तोष सेन लेख्छन् :
लामो समयको पर्खाई पश्चात आज सबै चलचित्रप्रेमीहरुको कौतुहलता मेटिएकोछ। सबैले आफ्नो मनमा अड्कल गरेर बनाएको गीतको आकृतिमा एउटा नाम जोडिन पुगेकोछ त्यो नाम हो…. क्रिष्टिना गुरुङ्ग।

थुप्रै संघर्ष र चुनौतीहरु पार गर्दै अमेरीकाबाट नेपाल अडिसनको लागि आएकी क्रिष्टिनाको २७१४ बाट गीतको लागि चयन हुन उनको प्रतिभा, सुन्दरता र आत्मविश्वासको बयान गर्दछ। हामीले उत्कृष्ट २५ को नामावली सार्वजनिक गरेपछि सबैले आ-आफ्नो रोजाइ र चाहना अनुसार “तेश्रो गीत यो बन्नुपर्छ” भनी आफ्नो मत राख्नुभएको थियो । बजारमा विभिन्न नामहरु अगाडी आइरहेका थिय तर हामी भने चलचित्रमा सुहाउदो पात्रको खोजीमा नै केन्द्रित रह्ययौ ।

क्रिष्टिना गुरुङ्ग अब गीतको पात्रमा देखिने भएपछी बाकि २४ जनामा पनि आ-आफ्नो किसिमको प्रतिभा छ । यो कुनै प्रतिष्पर्धा थिएन र यहाँ सहभागिता जनाएका २५ जना मध्य सबै समान प्रतिभाशाली हुन्, हामीले चलचित्रको कथाको माग अनुसार सुहाउदो पात्रको खोजि मात्र गरेको हौ। यो कुरा सबैले बुझ्न जरुरी छ। आसुसेन फिल्मस् प्रोडक्सनको ब्यानरमा आगामी बन्ने चलचित्रको कथामा सुहाउदो पात्र भय यिनै २५मध्य नै कोहीले माैका पाउन सक्नेछन । अब हामी ठुलो परिवार भएको महशुस गरेका छौ क्रिष्टिना गुरुङ लाई आफ्नै परिवारको दिदी बहिनी सम्झिएर साथ् दिनुहोला .. सेयर पनि गरिदिनुहोस्…

“प्रेम गीत ३”

२८.१२.२०७६

को हुन् क्रिस्टिना ?
काठमाण्डौमा जन्मिएकी क्रिस्टिना फिल्मको अडिसन कै लागि भनेर अमेरिकाबाट नेपाल आएकी थिइन् । नेपाली रजतपटमा जम्न चाहने उनी थोरै लजालु स्वभावकी छन् । प्लस टु सम्मको अध्ययन नेपालमा नै सकेर अमेरिका गएकी उनी बाल्टिमोर युनिभर्सिटीमा आइटी बिषयमा स्नातक गर्दै छिन् । परिवार सहित अमेरिकामा बस्दै आएकी उनले केहि म्युजिक भिडियोमा समेत अभिनय गरेकी छन् ।