३ हिरोइनका २ फिल्म

नेपाली फिल्मका टप ३ अभिनेत्री को को हुन् ? १ देखि ३ बनाउन सकिएला ? को अभिनेत्री चलेका छन् ? कुन अभिनेत्रीमाथि लगानी भैरहेको छ ।

फिल्मको व्यापार र अभिनयमा स्वस्तिमा खड्का अघि हुन् । वुलवुलको अभिनय, नाई नभन्नु ल ५ को व्यापार । स्वस्तिमालाई वितेको बर्ष १ नम्बरकी अभिनेत्री भनिएको हो ।

थोरै अभिनेत्री चलेका छन् नेपाली फिल्ममा । थोरै चलेका अभिनेत्रीमा को पर्छन् ? चलेका पनि पारिश्रमिक पनि धेरै लिने अभिनेत्री को ? अभिनेत्री साम्राज्ञी राज्यलक्ष्मी शाहलाई विर्सन मिल्दैन ।

१५ लाख पारिश्रमिक लिने अभिनेत्री उनी हैनन् र ? फिल्ममा खेलाउन साम्राज्ञीलाई कुर्ने निर्माता नेपाली फिल्ममा छन् ।

चलेकी अभिनेत्री पूजा शर्मा पनि हुन् । १५ लाख र २० लाख लिने उनी नै हुन् । पारिश्रमिक धेरै लिनेमा त उनी १ नम्बरमा पर्छिन् ।

नेपालमा अहिले फिल्ममा प्रतिस्पर्धा भएका अभिनेत्री साम्राज्ञी राज्यलक्ष्मी शाहसाम्राज्ञी राज्यलक्ष्मी शाह, स्वस्तिमा खड्का र पूजा शर्मा  नै हुन् । अरु अभिनेत्री यी तिन जनाको टक्करमा आउन्नन् ।

यी अभिनेत्री सबैलाई म हु नम्बर १ भन्ने छ । कोही फिल्म चलेर, कोही राम्रो अभिनय गरे, कोही पारिश्रमिक धेरै लिएर । नम्बर १ छन् ।

यो बर्ष यी अभिनेत्रीको नम्बर १ दाँज्ने सजिलो उपाय लाग्दैछ । यो बर्ष सुटिङ भएको आधारमा यी तिनै जनाको २ वटा फिल्म रिलिज हुन्छ ।

अभिनेत्री स्वस्तिमा खड्कालाई हजार जुनी सम्म र घामट शेरेले नम्बर १ बनाउने कि नबनाउने निर्णय लिनेछ । स्वस्तिमाको छायांकन भएको आधारमा रिलिज हुन लागेको २ वटा फिल्म हो यो ।

मारुनी र रातो टिका निधारमाले साम्राज्ञीको नम्बर १ स्थान खोस्ने कि नखोस्ने निर्णय गर्छ । मारुनी भदौ १३ गते र रातो टिका निधारमा दशैमा रिलिज हुन लागेका छन् । पूजाको सम्हालिन्छ कहिले मन र पोई पर्यो काले रिलिज हुँदैछ । उनले यी दुई फिल्ममा १५ र २० लाख लिएकी हुन् । पैसा उठाइदिन पनि पर्छ उनले लगानी गर्ने मानिसको ।

३ जना अभिनेत्रीको २ वटा फिल्म रिलिज हुन लागेकाले पनि को चल्छन् भनेर अहिलेदेखि नै चर्चा भएको हो । स्वस्तिमा, पूजा र साम्राज्ञीले अरु अभिनेत्रीलाई पछि राखेका छन् । तर, अघि बढ्ने होडमा भने यी तिन प्रतिस्पर्धामा छन् ।