यी हिरोइनको अब के त ?

यो बर्ष नेपाली फिल्म कम बनेका छन् । फिल्म नै चल्न छाड्दा लगानी गर्ने मानिस घटेका छन् । फिल्म घटेपछि कलाकारको काम पनि घट्छ ।

कलाकारको काम घट्दा अब के त भनेर भनिएला ? फिल्ममा काम गरेपछि, रिलिजपछि के भन्ने प्रश्न आउँछ ।

अभिनेत्री वर्षा राउतको जात्रै जात्रा हिट भयो । फिल्म सुपरहिट हुँदैछ । वर्षा जात्रै जात्राले ५१ दिन मनाउन लागेकोमा खुशी छिन् । जात्रै जात्रा हिट भएपछि वर्षाले कुन फिल्म गर्छिन् भनेर उनका फ्यानले सोध्न थालेका छन् । वर्षाले जात्रै जात्रा पछि अब काम गर्ने फिल्म फाइनल गरेको पाइएको छैन ।

जात्रै जात्रासँग रिलिज भएको अर्की अभिनेत्री बर्षा सिवाकोटीको विर विक्रम २ चलेन । विर विक्रम २ प्रनेश गौतमको काण्डमा हिट छ ।

सिवाकोटीले पनि विर विक्रम २ पछि कुन फिल्म खेल्ने भनेर डिसाइड गरेकी छैनन् । उनी पनि दोधारमै छिन् । विर विक्रम २ बर्षाले अपेक्षा गरे जस्तो नचलेको हो । बर्षाको अब के भन्ने फाइनल छैन ।

समस्या अभिनेत्री आँचल शर्माको फिल्ममा पनि छ । दाल भात तरकारी चल्यो । ५१ दिन मनाउँदैछ । दाल भात तरकारीले ५१ दिन मनाएपछि आँचलले अब कुन फिल्म खेल्दैछिन् भनेर उनका फ्यान जानकार छैनन् । आँचलले कुनै पनि फिल्ममा काम गर्ने फाइनल गरेकी छैनन् । आँचल शर्माले डामाडोलमा काम गर्ने फाइनल गरेकी हुन् । डामाडोल नै बन्छ कि बन्दैन डामाडोल छ ।

अब के हो त भन्ने प्रश्नले अभिनेत्री वेनिशा हमाललाई पनि सताएको छ । वेनिशाले ब्लाइन्ड रक्स रिलिजपछि फिल्म खेलेकी छैनन् । वेनिशाले टुल्की फिल्म खेल्ने भनेर खबर आएको थियो । तर, टुल्कीको अत्तोपत्तो छैन । उनको घुमफिरको फोटो बढी आउँछ ।

कोही कोही अनिभेत्री मात्र व्यस्त छन् नेपालमा । फिल्म बनाउनेहरुले नयाँलाई बढी लिएका छन् । स्वस्तिमा खड्का, साम्राज्ञी राज्यलक्ष्मी शाह, पूजा शर्मा, नम्रता श्रेष्ठ, प्रियंका कार्कीहरुको फिल्म बाटोमा छ ।

धेरै अभिनेत्रीले अब कस्तो फिल्ममा काम गर्ने निर्णय गर्न सकेका छैनन् । धेरै अभिनेत्रीले त फिल्म नै पाएका छैनन् ।