फागुन २४मा भक्तपुरमा गुन्जिँदै सुशान्त

गायक सुशान्त केसीले आगामी फागुन २४ गते (८ मार्च)मा भक्तपुरमा प्रस्तुति दिने भएका छन् । स्थानीय सल्लाघारी ग्राउन्डमा ‘सुशान्त केसी लाइभ इन नेपाल’ आयोजना हुन लागेको हो । २४ गते शनिवार दिउँसो ४ बजेदेखि कन्सर्ट सुरु हुने जनाइएको छ । टिकट पार्टनर खल्तीले १९ जनवरीदेखि टिकट बिक्री सुरु हुने जनाएको छ ।

टीआरएन इभेन्टसहितका केही आयोजकले कन्सर्ट गर्न लागेका हुन् । यस वर्ष एकपछि अर्को हिट गीत दिएका सुशान्त युट्युब र स्पोटीफाइमा सर्वाधिक हेरिने र सुनिने नेपाली गायक बनेका छन् ।

स्पोटीफाइमा उनी शीर्षस्थानमा छन् । गत २० जुलाईमा उनले अमेरिकाको न्युयोर्कस्थित टाइम्स स्क्वायरको प्लाटिनियममा ‘उडी उडी वर्ल्ड टुर’ प्रस्तुत गरेका थिए ।