सस्पेन्स शैलीको ‘एक्टर–१’को ट्रेलर, प्रदीप भर्सेस राजवल्लभ

माघको १६ गतेबाट रिलिजमा आउन लागेको फिल्म ‘एक्टरः टेक १’को ट्रेलर आज सार्वजनिक भएको छ । ललितपुरमा आयोजित एक कार्यक्रममा सस्पेन्स थ्रिलर शैलीको ट्रेलर सार्वजनिक गरिएको हो । 

मोती कार्की क्रियटिभ प्रोड्युसर रहेको फिल्मलाई राजन भुषालले निर्देशन गरेका हुन् । थमन कुमार भण्डारी निर्माता रहेको फिल्ममा अनिष भुसालको लगानी छ । 

यो फिल्ममा प्रदीप खड्का, राजवल्लभ कोइराला, आना शर्मा, दिव्या रायमाझी, दिव्य देव, सुशील सिटौला, उषा रजक लगायतका कलाकारहरूको अभिनय छ । 

राजन भुसाल र आकाश बरालको पटकथा रहेको यो फिल्ममा किरणको कोरियोग्राफी, हर्कुलस बस्नेत, रोहित शाक्य र एलिस कार्कीको संगीत, नरेन्द्र मैनालीको डीओपी, निमेष श्रेष्ठको सम्पादन छ । 

फिल्मको ट्रेलरलाई सस्पेन्स शैलीमा देखाइएको छ । फिल्ममा राजवल्लभ र प्रदीपबिचको टकराव देखाइएको छ । साथमा, कलाकार निश्चल बस्नेतको इन्ट्री विशेष हुने देखिएको छ ।