‘होस्टेल ३’को ‘टिक टिक टिक’ गीत सार्वजनिक

फागुनको २३ गतेबाट रिलिजमा आउन लागेको फिल्म ‘होस्टेल ३’को पहिलो  गीत ‘टिक टिक टिक’ सार्वजनिक भएको छ । यो गीतको भिडियोमा फिल्मका सबै कलाकारहरुको नृत्य हेर्न सकिन्छ । गीतमा अलमोडा राणा उप्रेतीको शब्द, संगीत र स्वर समावेश छ ।

सन्तोष राणाले र्यापमा अलमोडालाई साथ दिएका छन् । यो गीतले कलेज जीवनको उतारचढाव र रमाइलोलाई प्रस्तुत गरेको छ । गीतको भिडियोमा फिल्मका मुख्य कलाकारहरु पारस बम, रिहान गिरी, आशिष घिमिरे, पदम तामाङ, सिम्रन पन्त, हेना नगरकोटी, समा पराजुली लगायतले यो गीतको भिडियोमा नृत्य गरेका छन् । प्रविण सिंहले यो भिडियोको कोरियोग्राफी गरेका हुन् ।

सशान कँडेलको निर्देशनमा तयार भएको यो फिल्ममा सुरेश कँडेल, कर्ण कार्की, गोविन्द अधिकारीको लगानी छ । शंकर अधिकारी कार्यकारी निर्माता रहेको फिल्ममा माधव शर्माको लेखन छ । यो फिल्मले कलेज जीवनका संघर्ष, मित्रता, रमाइलो क्षणहरुको कथा भन्छ ।

अर्जुन तिवारीको डीओपी, बुद्ध थापा र मनोज खत्रीको छायांकन, अर्जुन पोखरेल, अलमोडा राणा उप्रेती, महेश ज्ञवाली र किरण माइकलको संगीत रहेको फिल्ममा विकास दाहालको सम्पादन, प्रविण सिंह र रोशन विश्वकर्माको कोरियोग्राफी, हिमाल केसीको एकसन छ ।