मेलिना राइले गरिन् इन्गेजमेन्ट, भोलि बिहे

गायिका मेलिना राईले इन्गेजमेन्ट गरेकी छिन् । उनले, आफ्ना प्रेमीसँग इन्गेजमेन्ट गरेकी हुन् । सामाजिक संजालमा मेलिनाका आफन्त र उनका प्रेमीले नै तस्वीर र भिडियो सार्वजनिक गरेका छन् । 

ध्रुव गुरुङसँग मेलिनाले बिहे गर्न लागेकी हुन् । लमजुङका गुरुङसँग मेलिना केही समयदेखि प्रेममा रहेको वुझिएको छ ।  उनी बेलायतमा बस्दै आएको वुझिएको छ । 

मेलिनाले भोलि बिहे गर्न लागेको समेत बताइएको छ । सामाजिक संजालमा सार्वजनिक तस्विरमा उनीहरू एक अर्कासँग निकै खुशी देखिएका छन् । 

मेलिनाको यसअघि इन्गेजमेन्ट तोडिएको थियो । तर, यसपटक भने छोटो समयको प्रेमलाई नै उनीहरुले बिहेमा परिणत गर्न लागेका हुन् ।