रानीको ‘तिम्रो मायामा’मा सम्राटसँग रमाएकी लालना

अमेरिकामा रहेर पनि निरन्तर गायिका रानी शाक्य गीतसंगीतमा सक्रिय छिन् । दर्शकमाझ नयाँ नयाँ गीत सार्वजनिक गर्दै आएकी रानीले फेरि अर्को एक रोमान्टिक गीत सार्वजनिक गरेकी छिन् । 

प्रेममा परेपछि एक यूवतीको मनमा उब्जिने विभिन्न भावनामा आधारित रहेर ‘तिम्रो मायाँमा’ बोलको गीत रानीले सार्वजनिक गरेकी हुन् । 

गीतमा आकाश केएमको शब्द तथा संगीत छ । सार्वजनिक यो गीतमा मोडलद्धय सम्राट अधिकारी र लालना चिमरियाको अभिनय हेर्न सकिन्छ । गीतको भिडियोमा लालनालाई सम्राटका लागि तड्पिएको देख्न सकिन्छ । 

शिशिर खत्रीको निर्देशनमा तयार भएको यो भिडियोमा दिनेश पराजुलीको कोरियोग्राफी, दिन्सन शाहको सम्पादन छ ।