मण्डलामा विजय र नाजिरको ‘हरि हजुरबा’ नाटक मञ्चन हुँदै

पौषको ४ गतेदेखि मण्डला नाटक घरमा ‘हरि हजुरबा’ नामक नाटक मञ्चन हुने भएको छ । यो नाटकको लेखन, परिकल्पना तथा निर्देशन नायक नाजिर हुसेनले गर्दैछन् ।

यो नाटकमा नाजिरको साथमा कलाकारहरू विजय बराल, रियुल्साङ, सबिना थापा, रोहित शाह, सुजना पाण्डे, मनिष पाण्डे र रिसु राउतको अभिनय रहनेछ । नाटकमा कलाकारद्वय दयाहाङ राई र वुद्दि तामाङ छन् ।

यो नाटकले द्धन्द्धले पारेको प्रभाव र मानवीय सम्बन्धको गहिराइलाई प्रस्तुत गर्ने बताइएको छ । यो नाटकमा चिठ्ठी पुर्याउँदै हिँड्ने हुलाकी केटो हरि र द्धन्द्धमा हराएकी नातिनीलाई पर्खिरहेका हजुरबाको मार्मिक कथालाई प्रस्तुत गरिनेछ ।

बिहिबारदेखि सुरु हुने नाटक पौषको २८ गतेसम्म मञ्चन हुनेछ । सोमबार बाहेक मञ्चन हुने नाटक शनिबार दिउँसो १ बजे र बेलुकी ५ः१५, अन्य दिनमा बेलुकी मञ्चन हुनेछ ।