अल्लु अर्जुन पक्राउ, प्रहरीले गर्दैछ सोधपुछ

साउथका सुपरस्टार अल्लु अर्जुनलाई प्रहरीले सोधपुछका लागि प्रहरी कार्यालयमा लगेको छ । हैदराबादको प्रहरी कार्यालयमा उनलाई सोधपुछका लागि लगिएको हो । 

फिल्म ‘पुष्पा २’को प्रिमियरको समयमा भागदौड हुँदा एक महिलाको निधन भएको थियो । यसपछि, नायक अर्जुन विरुद्ध उजुरी परेको थियो । 

प्रहरीले यो घटनामा अल्लु अर्जुन र उक्त हलका संचालकको विरुद्धमा उजुरी दर्ता गरेको थियो । सोही बिषयमा सोधपुछका लागि अल्लु अर्जुनलाई प्रहरीले पक्राउ गरेको हो । अर्जुनले भने महिलाको परिवारलाई २५ लाख रुपैयाँ सहयोग गर्ने बताइसकेका छन् । 

बिहिबारदेखि रिलिज भएको यो फिल्मले बक्स अफिसमा तहल्का मच्चाइरहेको छ । 

यो फिल्मले बक्स अफिसमा एक हजार करोड भन्दा बढीको कारोबार गरिसकेको छ । फिल्ममा अल्लु र रश्मिका मन्दना मुख्य भूमिकामा छन् ।