‘पुष्पा २’को आक्रामक ओपनिङ, तोडियो ‘जवान’को रेकर्ड

बक्स अफिसमा अल्लु अर्जुन र रश्मीका मन्दना अभिनित फिल्म ‘पुष्पा २’ले सुनामी ल्याएको छ । भारतीय बक्स अफिसमा यो फिल्मले पहिलो दिन नै २ सय करोडको व्यापार गरेको मिडियाले उल्लेख गरेका छन् । 

यो फिल्मले हिन्दी भाषामा समेत आक्रामक ओपनिङ गरेको छ । फिल्मले पहिलो दिन हिन्दी भाषामा मात्र ७२ करोडको ओपनिङ गरेको हो । योसँगै फिल्मले साहरुख खान अभिनित फिल्म ‘जवान’ले बनाएको ओपनिङ रेकर्डलाई समेत उछिनेको छ । 

विश्व बजारमा यो फिल्मले २ सय ७० करोड भन्दा माथिको व्यापार गरेको उल्लेख गरिएको छ । 

यो फिल्मलाई समीक्षकले पनि राम्रो प्रतिक्रिया दिएका छन् । जसकाकारण, बक्स अफिसमा यो फिल्मले १५ सय करोड माथिको व्यापार गर्ने अनुमान गरिएको छ । 

नेपालमा पनि यो फिल्मले बिहिबार आक्रामक ओपनिङ गरेको छ । क्यूएफएक्स चेनले यो फिल्मलाई पहिलो दिनमै सुपरहिटको ट्याग दिइसकेको छ । फिल्मले नेपालमा ४ करोड माथिको ओपनिङ गरेको प्रक्षेपण गरिएको छ ।