धिरज मेरो हिरो हो : उपासना

नायिका उपासना सिंह ठकुरीले नायक धिरज मगरलाई मेरो हिरो, मेरो प्यारो मान्छे भनेकी छिन् । 

मंगलबार 'खुश्मा' फिल्मको ट्रेलर सार्वजनिक कार्यक्रममा बोल्दै उपासनाले धिरज मेरो हिरो, मेरो मान्छे, मेरो प्यारो मान्छे भनेकी हुन् । फिल्मको ट्रेलर सार्वजनिक कार्यक्रमा र आफ्नो जन्मदिन एकैचोटि परेपछि धिरज बोल्दाबोल्दै युकेमा रहेको आफ्नो परिवारलाई सम्झेर भावुक बनेका थिए । 

त्यसैक्रममा, उपासनाले धिरजलाई खुशी बनाउन उनको तारिफ गर्दै भनिन्,-'मेरो हिरो एकदमै सहयोगी छ । धिरज मेरो हिरो मात्रा होइन, एकदमै नजिकको मेरो प्यारो मान्छे पनि हो । मेरो प्यारो मान्छेलाई जन्मदिनको शुभकामना।' उनले भनिन् ।   

उपासनाले आफ्नो तारिफ गरेपछि भावुक धिरज आफ्नो आँखाको आँशु पुछ्दै खुशी भएका थिए ।