सामन्थासँग डिभोर्स गरेका चैतन्यले गरे शोभितासँग इन्गेजमेन्ट

साउथकी चर्चित नायिका सामन्थासँग डिभोर्स गरेको केही समयपछि नायक नागा चैतन्यले इन्गेजमेन्ट गरेका छन् । भारतीय मिडियाका अनुसार नागाले शोभिता धुलिपालासँग इन्गेजमेन्ट गरेका हुन् । 

दुबै जनाले चैतन्यका पिता नागार्जुनको घरमा इन्गेजमेन्ट गरेका हुन् । नागार्जुनले सामाजिक संजालमा तस्विर शेयर गर्दै दुबै जनालाई बधाई दिएका छन् । उनले, शोभितालाई परिवारमा स्वागत गरेको उल्लेख गरेका छन् । 

मिडियाका अनुसार, इन्गेज्मेन्टका लागि नागाले आफ्नो नयाँ फिल्म ‘थन्देल’को सेटबाट एक दिनका लागि ब्रेक लिएका थिए । सामन्थासँग डिभोर्स भएपछि नागाको नाम शोभितासँग जोडिएको थियो ।

केही समय अगाडि शोभिता फिल्म ‘मेजर’को प्रमोसनका लागि जुन होटलमा बसेकी थिइन्, सोही होटलमा नागालाई पनि मिडियाले क्यामेरामा कैद गरेका थिए ।