अनलका ‘बार्दली’ तथा ‘दाहिने हाते सिक्का र साईकल’ लोकार्पण
![](https://snowberry.prixacdn.net/media/gallery_folder/e9b65d77-e04c-4c41-8422-0efd4d5ef7bf_5qKRDg0fpx_qkhswpvaxjkrtglgwmozuadedlpzray7sekre3rn74usey54jz4krivesfhq_xo2GOAsPeL_qvhbgwqvwyblvkpqpwxtxwqjljcemo4ygxwz7zt2qghofxf5b7zwxu0mmezx.jpg)
युवा साहित्यकार अनल गौतमले एकै पटक दुई वटा पुस्तक सार्वजनिक गरेका छन् । शनिबार काठमाडौंमा आयोजित एक साहित्यिक कार्यक्रमका बीच साहित्यकार गौतमको उपन्यास ‘बार्दली’ तथा कथा संग्रह ‘दाहिने हाते सिक्का र साईकल’ एकै साथ लोकार्पण गरिएको हो ।
वरिष्ठ हास्य कलाकार मदन कृष्ण श्रेष्ठ, कवि तथा साहित्यकार डा.रामप्रसाद ज्ञवाली, सञ्चारकर्मी महेश राणा लगायतका व्यक्तित्वले ती पुस्तकहरु लोकार्पण गरेका हुन् ।
लोकार्पण समारोहमा लेखक गौतमलाई वधाई दिँदै कलाकार मदन कृष्ण श्रेष्ठले गौतमका उपन्यास तथा कथा संग्रह निकै नै रोचक र समयसामयिक लागेको बताए ।
कथा संग्रह ‘दाहिने हाते सिक्का र साईकल’ को समीक्षा गर्दै सञ्चारकर्मी महेश राणाले संग्रहमा समावेश ११ वटा कथामध्ये कुनै न कुनै एक कथाले पाठकले अवश्य छुने धारणा व्यक्त गरे ।
समालोचक डा.रामप्रसाद ज्ञवालीले ‘बार्दली’ उपन्यासको समालोचना गर्दै लेखक गौतमको सरल शैलीमा भावना व्यक्त गर्न शैलीको प्रशंसा गरे । उपन्यासले प्रेमको नयाँ परिभाषा व्यक्त गरेको भन्दै डा.ज्ञवालीले उपन्यासले नयाँ पुस्तालाई केही सन्देशसमेत दिने आशय व्यक्त गरे ।
कार्यक्रममा बोल्दै लेखक गौतमले पुस्तक लेख्न भन्दा सार्वजनिक गर्न कठिन भएको पुरानो अनुभव स्मरण गर्दै यसपटक ऐरावती प्रकाशन प्रालिसंगको सहकार्यमा दुई वटा पुस्तक पनि सहजै सार्वजनिक गर्न सकिएको बताए ।
ऐरावती प्रकाशन प्रालिका प्रमुख रामदेव पाण्डेको अध्यक्षतामा आयोजित समारोहमा पाण्डेले साहित्यका गौतमको लेखन शैलीको प्रशंसा गर्दै विषम परिस्थितिमा छोटो समयकै अन्तरालमा दुई पुस्तक प्रकाशित गरेको बताए ।
मुलतः आख्यान विधामा कलम चलाउन रुचाउने गौतमलाई यसमा पनि कथा तथा उपन्यासमा विशेष रुची छ ।
२०३८ साल असार १७ गते हेटौंडा–५, मकवानपुरमा जन्मिएका साहित्यकार गौतमले २०६४ सालमा ’शुभ प्रभात’ शीर्षकको हाईकु संग्रह प्रकाशन गर्दै औपचारिक साहित्यिक प्रकाशनको यात्रा प्रारम्भ गरेका हुन् । त्यसपछि साहित्यकार गौतमले २०६६ सालमा कविता संग्रह ‘चिनारी’ सार्वजनिक गरेका थिए ।
गौतमलाई साहित्यकारको रुपमा स्थापित गर्ने काम उनले २०७० मा प्रकाशित गरेको कथोपन्यास ‘घाट घाटका कथा’ ले गर्यो । यो कथोपन्यासमार्फत उनी पाठकको मन–मनमा बस्न सफल भएका थिए । २०७० सालमै गौतमले गीति संग्रह ’सरसी’ पनि प्रकाशित गरेका थिए ।
कथा संग्रह ‘दाहिने हाते सिक्का र साईकल’ मा के छ ?
कथा संग्रह ‘दाहिने हाते सिक्का र साइकल’ मा कुल ११ वटा कथाहरु समावेश गरिएको छ । यो कथा संग्रहमा फरक परिदृष्यका कथाहरु समावेश गरिएका छन् । यो कथा संग्रहमा साहित्यकार गौतमले बाल्यवस्थाका कथादेखि लिएर यौवन अवस्थाका मानवीय संवेदनामा आधारित कथाहरु समावेश छन् । विगत अनि वर्तमानका हाम्रै वरपरका भौगोलिक क्षेत्रभित्र बाल तथा युवा मनोविज्ञानलाई चित्रण गर्दै सामाजिक वस्तुस्थितिलाई समेत जोडेर लेखिएका कथाहरु जिवन्त प्रतित हुन्छन् । यो पुस्तकका केही कथाहरु अलि काल्पनिक झैँ लागेता पनि तिनको वर्णनले यथार्थता झल्काउने कोशिस भने गरेकै छन् ।
बार्दली’ मा युवा वर्गले भोगेका अनुभवहरु
लेखक गौतमको यसअघिको उपन्यास ‘लभ एट २५’ को दोश्रो भागको रुपमा लेखिएको उपन्यास हो– ‘बार्दली’ । यो उपन्यासमा एक जना संर्घषशील युवाको कथा हो । पहाडबाट काठमाडौं झरेको एउटा विद्यार्थी, युवाको मेहेनत, उसको जीवनमा आउने विविध उतार–चढाव तथा त्रिकोणात्मक प्रेम सम्बन्धमा आधारित यो उपन्यासले हालका युवा वर्गले भोगेका अनेकौं अनुभवहरु समेटिएको छ । ‘बार्दली’ उपन्यासमार्फत उपन्यासकार गौतमले थोरै रोमान्टिक, थोरै पीडाबोध अनि यथार्थपरक जीवन भोगाई झैँ लाग्ने शैलीमा लेखकले पाठकलाई आकर्षित गर्न खोजेको देखिएको छ ।
![‘खुल्ला कविता प्रतियोगीता’ आयोजना हुने](https://snowberry.prixacdn.net/media/gallery_folder/kabita_MoSEEdtEIa_3b6bprzrfbevdcjovups4pexhcl2zrflw7xjhr9ldk2i5wnko2h9fa7j5oss_N1QxKpXPZz_qr9s64ah7zxtfx67wvuqgbldbcxpfg9frlf8qp0hns2bganu9oqs5tpnmi1s.jpg)
‘खुल्ला कविता प्रतियोगीता’ आयोजना हुने
![सागर खड्काको नयाँ उपन्यास ‘राइपाली भञ्ज्याङ’ लोकार्पण](https://snowberry.prixacdn.net/media/gallery_folder/0I0A3346.JPG_hHL5gEJoJq_j9clgbg7uwxngiwfrr3vrvt8wkpdprubvo6swg7cut9rjpmlrkalkvsnbmyf_j3Sai3yFBR_nten7q3vwp96hlp7kkmp7ztedt6nxqfaouwh9mrzwpbl3pxrzbxtk9gwspqe.jpg)
सागर खड्काको नयाँ उपन्यास ‘राइपाली भञ्ज्याङ’ लोकार्पण
![पाँचौँ बाह्रखरी कथा लेखन प्रतियोगिताका लागि कथा आह्वान, प्रथमलाई एक लाख पुरस्कार](https://snowberry.prixacdn.net/media/gallery_folder/377710015_293759493291086_661891294559025713_n_WMSs9T3iqg_u2mdlmum4mt6esyyqretlyl2mhg4yor1idkycertyq7vkafk9rtbmkxjasqm_vJbyfSj6NF_i5noskfztgh1gxbjryjb5u5vardl1gxhbtfbcmznyz0bwzqxanbxvjzgjwlg.jpg)
पाँचौँ बाह्रखरी कथा लेखन प्रतियोगिताका लागि कथा आह्वान, प्रथमलाई एक लाख पुरस्…
![मदन पुरस्कारका लागि पाँच उत्कृष्ट कृति सार्वजनिक](https://snowberry.prixacdn.net/media/gallery_folder/Capture.JPG-919_Tu5MyQN8Ba_rmmaighs6m7q8gsijvxox5iduspj74kfchj1brpkdy0a3m1ewalk1xcfmsda_MvZMzBYoN3_zv9jnutnmulhye7faomlbhlwt99185aho6dxjzdryoa7roe617qvduxdi3jy.jpg)
मदन पुरस्कारका लागि पाँच उत्कृष्ट कृति सार्वजनिक
![जेनिशा मानन्धरको उपन्यास ‘लस्ट लेटर्स’ सार्वजनिक](https://snowberry.prixacdn.net/media/gallery_folder/Lost%2520Letters%2520Bimochan_rPDz3OSwM4_pucxjtffvvzucqxgu35p47xbaqzu0jpc8fyzzdm6ehv1hmxtgmnhqrzv8wkv_7sWj2FJfX1_crwuwhhtceqnbxquhfzgw2kpskuxn8mit5uvmesr2p11ny21rkz64jjkhmd5.jpg)
जेनिशा मानन्धरको उपन्यास ‘लस्ट लेटर्स’ सार्वजनिक
![हीरा लामाको दलदल सार्वजनिक](https://snowberry.prixacdn.net/media/gallery_folder/328044103_836372864122920_6308656213045065498_n.jpg_SDRxBsBX2Y_qeph8uidr3twgbzu5iqqeavflneivhixj0heedkwt7xm7qj66tjechnhgaza_dcvHeZ1Our_pmelgd3cwfizecwbg4vvuadgjsbdjgzeedt8d97o57zrl0snurv1ezi05qhm.jpg)
हीरा लामाको दलदल सार्वजनिक
![यशोधरा उपन्यासः पुस्तकमा छायामा परेकी यशोधाको पर्खाइ र त्याग](https://snowberry.prixacdn.net/media/gallery_folder/Book-Bimochan-2-.JPG_QuyvnOrsvB_sw30tz52phbhw3v7dglsjhdqxfxtytgatu5fgt29t2ph0jaee5mpto2ntfxx_mX1sFYPQhh_gpqiuft7ztz9benszctkzfbfsejt7y2ejzf6fp55qvkgflmv4dzgri5w4z5e.jpg)
यशोधरा उपन्यासः पुस्तकमा छायामा परेकी यशोधाको पर्खाइ र त्याग
![इन्द्र चौधरीले ल्याए ‘नयाँ बनपाले’ चित्रकथा](https://snowberry.prixacdn.net/media/gallery_folder/naya-banpale_7ZwDOafZbQ_zilfnjzgjmdl2fzbtoew8x3hc8vxtkcru3wlqglfja9kaaylppver0qb3hk0_qU87fjCD3g_mscyp9raf03d4wn3acckcj2gmxrqojx3ex5dnod9ozgpt1bxiorslkclaecy.jpg)
प्रतिक्रिया