गायक बानियाँको निर्देशनमा सर्ट मुभी ‘फेम’ सार्वजनिक

गायक विनोद बानियाँ पछिल्लो समय सर्ट मुभी निर्देशनमा होमिएका छन् । उनले कथा, थिम कन्सेप्ट र निर्देशनमा ‘फेम’ सार्वजनिक गरेका छन् ।  लामो समय देखि गायन क्षेत्रमा क्रियाशिल रहेका गायक बानियाँले फर्सदको समयमा सर्ट मुभी निर्माण गरेको बताए । उनले भने, अरु बेलामा खासै फुर्सद हुदैन थियो तर अहिले पहिला देखि नै फिल्म बनाउने चाहाना लकडाउनमा पुरा गरेको हो ।’गायक बानियाँले लकडाउनकै समयमा तयार भएको कथालाई थोरै परिवर्तन गरेर फेम निर्माण गरिएको बताए । उनले निर्माण गरेको सर्ट मुभी ‘फेम’ शुक्रबार आफ्नै युट्युवबाट सार्वजनिक गरेको हो ।

सर्ट मुभी ‘फेम’ को मुख्य भुमिकामा सञ्चारकर्मी सञ्जय मल्ल रहेका छन् । मल्लले यस भन्दा अगाडि चलचित्र मार्केट, मिसन भाइरस सहित म्युजिक भिडियोमा अभिनय गरेका छन् । उनी पोखराका क्रियाशिल सञ्चारकर्मी हुन् । पोखरा कै ग्रैहापाटनको आसपासमा छायाकंन गरिएको फिल्ममा आयुष श्रेष्ठ, जय प्रकाश थापा, सुदिप गुरुङ, सोवित ठकुरी, निलिमा हिराचन श्रेष्ठ सहित विनोद बानीयाँको समेत अभिनय रहेको छ ।
सर्ट मुभीमा सविन गायकको छायाकंन तथा सम्पादन रहेको भने पाश्र्व संगीत राजेश क्षेत्रीको छ । सञ्जय शाक्य र उत्तम पौडेलले फिल्म निर्माणमा सहयोग गरेका हुन् ।