‘एक्टर–टेक १’को पुनः बुकिङ खुल्यो

जिल्ला अदालत काठमाडौंमा मुद्दा दायर भएपछि स्थगीत भएको फिल्म ‘एक्टर–टेक १’को बूकिङ खुलेको छ । यो फिल्म अब भोलिबाट देशभरका हलमा रिलिज हुने भएको छ ।

फिल्म ‘एक्टर र एक्टर–टेक १’का निर्माताबीच सहमति भएसँगै चलचित्र विकास बोर्डले रिलिजका लागि सहजीकरण गरिदिन चलचित्र संघलाई पत्र लेखेको थियो । चलचित्र विकास बोर्डको पत्र प्राप्त भएसँगै चलचित्र संघले पनि देशभरका हललाई पत्र पठाउँदै रिलिजका लागि सहजीकरण गर्न आग्रह गरेको थियो ।

सोही अनुरूप अब हलहरुले यो फिल्मको बूकिङ खुलाएका छन् । देशकै ठूलो चेन क्यूएफएक्सले यो हलको शोज खुलाएको छ । अन्य हलहरुले पनि शोज खुलाउने तयारी गरेका छन् । 

फिल्म भोलिबाट रिलिजमा आउने भएपछि यसको निर्माणपक्ष र कलाकारहरूले दर्शकलाई साथ दिन आग्रह गरेका छन् ।