दुई दिन चलेको 'एक्टर' को कमाई २८हजार !

रिलिज भएर हलबाट उत्रिदा सम्म फिल्म ‘एक्टर’को जति चर्चा भएको थियो त्यस भन्दा बढी चर्चा हाल भएको छ । एउटै नाम हुँदा आर्थिक क्षति पुगेको भन्दै निर्माताले शुक्रवार जिल्ला अदालत काठमाडौँमा अर्को फिल्म ‘एक्टर : टेक वन’विरुद्ध मुद्दा हालेसँगै यो फिल्मको अधिक चर्चा हुन थालेको हो । 

चलचित्र विकास बोर्डको बक्स अफिस डेटाअनुसार मदन घिमिरे निर्देशित फिल्मले २ दिनमा २८ हजार ८८५ रुपैयाँ ग्रस कलेक्सन गरेको थियो । माघ ४ गतेदेखि रिलिज भएको फिल्म माघ ६ गते हलबाट उत्रिएको बोर्डको तथ्याङ्कमा उल्लेख छ । अन्तिम पटक माघ ६ गते बिहान ११ बजेर १५ मिनेटमा बागबजारको सिटीम्याक्स हलमा यो फिल्मको प्रदर्शन भएको थियो ।