युट्युबमा 'हाइवे' (भिडियो)

हलमा रिलिज भएको १३ वर्षपछि फिल्म ‘हाइवे’ युट्युबमा रिलिज भएको छ । ६२ औँ बर्लिन फिल्म फेस्टिभलमा वर्ल्ड प्रिमियर भएको दीपक रौनियार निर्देशित फिल्मले समीक्षकबाट राम्रो प्रतिक्रिया प्राप्त गरेको थियो । ए-लिस्टर फेस्टिभलमा प्रिमियर भएको यो पहिलो नेपाली फिल्म समेत हो । 

‘हाइवे’मा ऋचा शर्मा, सौगात मल्ल, दयाहाङ राई, आशा मगराती, सृष्टि घिमिरे, कार्म, राजन खतिवडा, रवीन्द्र मिश्र, निर्मला राई, इलम दीक्षित, भूमिका श्रेष्ठको अभिनय छ । सशस्त्र द्वन्द्वपछिको पृष्ठभूमिमा काठमाडौँबाट पूर्वी नेपालमा निस्किएका विवाहको जन्तीलाई राजमार्गमा आइलाग्ने अवरोधको कथा यसमा छ ।

बाँसुरी फिल्म्सको युट्युब च्यानलमार्फत फिल्म प्रिमियर गरिएको छ ।