‘स्काई फोर्स’ चल्दा अक्षयलाई राहत

नायक अक्षय कुमारले अभिनय गरेका फिल्महरूले बक्स अफिसमा गतिलो व्यापार गरिरहेका थिएनन् । यसले, अक्षयको करिअर अब के हुने हो भन्ने पनि टिप्पणी भइरहेको थियो । 

तर, शुक्रबारदेखि रिलिजमा आएको अक्षय अभिनित फिल्म ‘स्काई फोर्स’ले बक्स अफिसमा सुखद व्यापार गरिरहेको छ । यसले, अक्षयको करिअरलाई ठूलो राहत मिलेको छ । 

यो फिल्मले शुक्रबार १५.३० करोड, शनिबार २६.३० करोड, आइतबार ३१.६० करोड, सोमबार ८.१० करोड र मंगलबार ६.३० करोडको व्यापार गरेको छ । यसरीहेर्दा, यो फिल्मले रिलिजको ५ दिनमा ८७.६० करोडको कमाई गरेको छ । 

फिल्मले केही दिनमै सय करोडको क्लबमा प्रवेश गर्ने देखिएको छ । फिल्ममा अक्षय कुमार, साराअली खान लगायतका कलाकारहरुको अभिनय छ । 

फिल्मले बक्स अफिसमा सुखद व्यापार गर्दा बलिउडको खस्कँदो बक्स अफिसलाई पनि राहत मिलेको छ ।