पलले सुरु गरे ‘मोहर’को छायांकन

नायक पल शाहले नयाँ फिल्म ‘मोहर’को छायांकन सुरु गरेका छन् । सोमबारबाट उनले ओम प्रतिकको निर्देशनमा बन्न लागेको यो फिल्मको छायांकन सुरु गरेका हुन् । 

काठमाडौंको कागेश्वरीस्थित गागलफेदीबाट उनले छायांकन सुरु गरेका हुन् । यो फिल्ममा पलको जोडीको रुपमा नायिकाद्धय बेनिशा हमाल र नीति शाह देखिदैछन् । 

यो फिल्ममा मिथिला शर्मा, लक्ष्मी गिरी, रविन्द्र झा लगायतका कलाकारहरुको पनि अभिनय रहनेछ । चुम्बन जंग शाहीले लगानी गरेको फिल्मको छायांकन काठमाडौंसँगै रोल्पा र दाङमा पनि हुनेछ । 

दिपेन बस्नेतको छायांकनमा कुमार महर्जनको एक्सन रहेको यो फिल्ममा सुरेश अधिकारी र एसडी योगीको संगीत रहनेछ । 

पल यो फिल्मको छायांकन सुरु हुनु अगाडि फिल्म ‘मायाबी’को प्रचारमा व्यस्त थिए । फागुनको १४ गतेबाट रिलिजमा आउन लागेको यो फिल्मको प्रचार पलले विभिन्न महोत्सवमा पनि गर्दै आएका थिए । पलको दौडधूप महोत्सवमा निरन्तर चलिरहेको थियो ।

तर, अब उनी सबै कुरालाई छाडेर नयाँ फिल्मको छायांकनमा जोडिएका छन् ।