तामिल फिल्म नखेल्ने सामन्था !

अभिनेत्री सामन्था रूथ प्रभुले तामिल फिल्म नखेल्ने भएकी छन्  । उनले पछिल्लो समय विग्नेश शिवनको तमिल फिल्म 'काथुवाकुला रेन्दु काधल' मा देखिएकी थिइन्। यसपछि उनी बलिउड वेब सिरिज 'सिटाडेल: हनी बनी' मा देखिइन्।

यति बेला सामन्थाले कुनै पनि तमिल फिल्म साइन गरेकी छैनन्। उनले यसको कारण खुलाउँदै भनिन्, 'धेरै फिल्म गर्न सजिलो छ। तर मलाई लाग्छ कि म आफ्नो जीवनको त्यो चरणमा छु, जहाँ हरेक फिल्म अन्तिम हो भन्ने महसुस होस्। फिल्ममा त्यस्तै प्रभाव हुनुपर्छ। त्यही भएर म जस्तो पाएँ, त्यस्तै फिल्म खेल्न चाहन्नँ।'

अब सामन्था फिल्म 'रक्त ब्रह्माण्ड' मा देखिँदै छिन्।'यो फिल्म खेल्नुको मुख्य कारण राज र डिके हुन्। उनीहरू चुनौतीका साथ काम गर्छन्। जब म हरेक दिन काममा जान्छु, एक अभिनेत्रीको रूपमा सन्तोष प्राप्त गर्छु । यदि मलाई हरेक दिन यस्तो महसुस भएन भने म काममा जान चाहन्नँ,' उनले भनिन्।