मधुशालामा गुन्जिँदै राजनराज र मिलन

गायक तथा सङ्गीतकार राजनराज सिवाकोटी र गायिका मिलन नेवार दरबारमार्ग स्थित मधुशाला गीत गजल एन्ड रेस्ट्रो बारमा आज शनिवार गुन्जिने भएका छन् । स्थापनाको १५ वर्षको अवसरमा आयोजना हुने समारोहमा यी दुईले प्रस्तुति दिन लागेका छन्। 

मधुशाला गीत गजलका सञ्चालक जोर्डन राज भण्डारीका अनुसार वार्षिकोत्सव विशेष कन्सर्टका लागि दुई कलाकारले प्रस्तुति दिने तय भएको हो । कार्यक्रममा उनीहरूले एकल र युगल गीतमा प्रस्तुति दिनेछन् ।

राति ९ बजेपछि विशेष साङ्गीतिक कार्यक्रम प्रस्तुत हुने जनाइएको छ । राजनराज र मिलनले पनि आफ्नो तर्फबाट तयारी पूरा भैसकेको बताए । मधुशाला गीत गजलका अध्यक्ष गङ्गाराज राईका अनुसार अधिकांश ग्राहकले यो रेस्टुराँको खाना तथा सेवा विशेष रुचाइरहेकोमा १४औँ वार्षिकोत्सव समारोह अझ भव्य तरिकाले आयोजना गर्न लागिएको बताएका छन् ।

समारोहलाई भ्वाइस अफ नेपालका होस्ट समेत रहेका सुशील नेपालले सञ्चालन गर्नेछन् । हरेक साँझ ६ बजेदेखि बिहान पाँच बजेसम्म खुल्ला हुने मधुशाला गीत गजलमा बिहान ४ बजेसम्म लाइभ म्युजिकको कार्यक्रम सञ्चालन भइरहेको छ ।