‘ममी’को ट्रेलरमा प्रियंका र दियाको डरलाग्दो रुप

हरर पारिवारिक कथामा तयार भएको फिल्म ‘ममी’को ट्रेलर सार्वजनिक गरिएको छ । यो ट्रेलर हेर्दा यसको निर्माण, कलाकारहरुको अभिनय, ब्याकग्राउन्ड म्युजिक आकर्षक छ । जसले गर्दा, फिल्मले देखाउन खोजेको कुरामा दर्शक बाँधिने देखिन्छ ।

माघको २५ गतेबाट रिलिजमा आउन लागेको यो फिल्ममा प्रियंका कार्की, सुलक्षण भारती, दिया मास्के, समिप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल, गीत बिष्ट लगायतका कलाकारहरुको अभिनय छ । कालो बिरालोलाई विशेष स्थान दिइएको यो फिल्मको ट्रेलरले हरर कथाप्रति दर्शकको ध्यान तान्ने देखिन्छ ।

सो ट्वान्टी फाइभको प्रस्तुतिमा निर्माण भएको यो फिल्मलाई समर निरौलाले निर्देशन गरेका हुन् । फिल्ममा समर निरौला र पूर्णिमा जोशीको लेखन छ । लोकराज जोशी तथा पूर्णिमा जोशी निर्माता रहेको फिल्मका कार्यकारी निर्माता सुमन कोइराला हुन् ।

फिल्ममा निशान पौडेल र शरद महत्तोको छायांकन, सुरेन महर्जनको सम्पादन, एनवी महर्जनको एक्सन, एसडी योगीको संगीत छ ।