नीति शाह कति व्यस्त ?

नायिका नीति शाह नेपाली फिल्म क्षेत्रमा आएदेखि नै चर्चामा छिन् । कहिले फिल्म छाडेको चर्चा त कहिले साइन गरेको फिल्म नबनेका कारण चर्चा । नीतिको चर्चा सधैं नै भइराखेको हुन्छ । 
उनै, नीति शाहको हातमा फिल्मको लाइनअप राम्रो देखिएको छ ।

फिल्म ‘खजुरे ब्रो र ज्वाइँ साब’पछि नीतिले फिल्म ‘मोहर’मा काम गर्दैछिन् । यो फिल्मको छायांकन माघको तेस्रो साताबाट सुरु हुन लागेको जानकारी प्राप्त भएको छ । फिल्ममा पल शाह र बेनिशा हमाल पनि छन् । 

उनै, नीतिले सरोज पौडेलको निर्देशनमा तयार हुन लागेको फिल्म ‘कोशेढुंगा’ पनि साइन गरेकी छिन् । फिल्ममा उनको साथमा आर्यन सिग्देल, सुरक्षा पन्त, प्रवीण खतिवडा लगायतका कलाकारहरुको मुख्य भूमिका रहनेछ । 

नीतिले फिल्म ‘रुखान’ पनि साइन गरिसकेकी छिन् । तर, यो फिल्म कहिले बन्छ टुंगो छैन । 

नायिका शाहको फिल्मले व्यापारिक रुपमा अपेक्षित सफलता नपाएपनि उनको हातमा फिल्मको अभाव छैन । नीतिलाई अब अभिनयको प्रशंसा र व्यापारिक रुपमा सफल फिल्म चाहिएको छ ।