कर्णालीको व्यथा समेटिएको "जदौ हजुर" सार्वजनिक

गाउँ छोड्नेको लर्को, हिरुलाल जस्ता सिर्जनाका सर्जक रतन देवकोटाले नयाँ सिर्जना लिएर आएका छन् । "जदौ हजुर " बोलको गीत मार्फत आएका देवकोटाले कर्णालीको दुखलाई भिन्न तरिकाले प्रस्तुत गरेका छन् । कर्णालीको प्रतिनिधित्व गर्ने लय शब्द र पीडा सङै लाइभ म्युजिक र मोडर्न इन्स्ट्रुमेन्टसङ फ्युजन गरी तयार गरेको यो गीतले दर्शकको मन जित्नेमा देवकोटा आशावादी देखिन्छन् ।

गीतको शब्द सङीत स्वर सङै भिडियो कन्सेप्ट र निर्देशन देवकोटा स्वयमले गरेका छन् । सौरभ लामिछानेको डिओपी रहेको  भिडियोको सम्पादन र सिनेम्याटोग्राफी सुशील खनालले सम्हालेका छन् । 

गीतबारे रतन भन्छन्,"कर्णालीको पीडा, सङ्घर्ष, र आशालाई हुड्केको भाकामा पस्किएको गीत, जहाँ भोक, विभेद, र बसाइसराइका कथा गुथिएका छन् । यो गीत न्याय, एकता, र परिवर्तनको लागि कर्णालीको मौन पुकार हो।"