मध्यपुर्व दुई सहरमा गुन्जियो 'कन्दरा'

नेपाली लोकपप ब्याण्ड ‘कन्दरा’ मध्यपूर्वका दुई सहरमा गुन्जिएको छ । कतारको दोहामा शुक्रवार र युएईको दुबईमा शनिवार ब्यान्डले भव्य प्रस्तुति दिएको थियो ।

‘पहिले घरदेश अनि परदेश’ नारासहित विश्व टूरमा निस्किएको लोकप्रिय ब्यान्डले एक दिनको फरकमा यी दुई अरब मुलुकमा प्रस्तुति दिएको हो । दोहास्थित भिआइपी होटेलको प्लानेट लाउञ्ज एन्ड क्लबमा साङ्गीतिक प्रस्तुति दिएको कन्दराले शनिवार युएइको बर दुबई स्थित क्लब एसके सेभेनमा प्रस्तुति दिएको छ ।

९० को दशकमा स्थापित ब्यान्डले स्थापनाको ३२ वर्षको साङ्गीतिक उत्सव अन्तर्गत यति बेला विश्व टुर गरिरहेको छ । जनवरी ३० मा हङकङमा गुन्जिने तय छ । फेब्रुअरी २८ मा इलामको करफोकमा प्रस्तुति दिने तय छ ।