सारेगामापाको विजेता बनिन् श्रद्धा

भारतीय रियालिटी शो 'सा रे गा मा पा' को विजेता आगराकी श्रद्धा मिश्रा बनेकी छन्। उनले सुभाश्री देवनाथ र उज्ज्वल मोतीरामलाई पछि पार्दै विजेताको उपाधि पाएकी हुन्। उनले ट्रफीसँगै १० लाख भारु रकम पाएकी छन्।  सुभाश्री देवनाथ फर्स्ट रनर अप र उज्ज्वल मोतीराम सेकेन्ड रनर अप बनेका छन्। 

फिनालेमा उदित नारायण र कविता कृष्णमुर्तीले प्रस्तुति दिएका थिए। 

विजयी बनेसँगे श्रद्धाले भनेकी छन्, 'मैले आफूलाई विजेताको रूपमा देख्दा अविश्वसनीय थियो। आज पनि मलाई विश्वास लागिरहेको छैन कि यो ट्रफी मसँग छ र मैले विजेताको शीर्ष पाइसकेँ। यो पैसाले म आफ्नो बुबाको खुट्टाको उपचार गर्न चाहन्छु।'