आकाशसँग खुलेकी करुणा

नायक आकाश श्रेष्ठ र नायिका तथा मोडल करुणा श्रेष्ठको प्रेम चर्चा नयाँ रहेन । उसो त यी दुईले हालसम्म आफूहरूको प्रेमलाई स्विकार भने गरेका छैनन् । तर, पनि यो जोडीलाई दर्शकले म्युजिक भिडियोमा निरन्तर हेरिरहेका छन् । 

हालै मात्र करुणा र आकाशलाई लिएर एउटा म्युजिक भिडियोको छायांकन गरिएको छ, जहाँ उनीहरू रोमान्टिक देखिएका छन् । एक अर्कासँग निकै खुलेका छन् । 

गायिका रानी शाक्यको स्वरमा समावेश एक गीतमा आकाश र करुणाको जोडीलाई हेर्न सकिन्छ । प्रहिल कार्कीले भिडियोको निर्देशन गरेका हुन् । चाँडै नै सार्वजनिक हुने भिडियोमा आकाश र करुणाको रोमान्स पनि हेर्न सकिन्छ ।