वैशाख १२मा सुरक्षाको 'खेल'

सुरक्षा पन्तको मुख्य भूमिका रहेको फिल्म ‘खेल’को प्रदर्शन मिति तय भएको छ। पोस्टर सार्वजनिक गर्दै आगामी १२ वैशाखलाई रिलिज डेटको रूपमा निर्माण टिमले घोषणा गरेका हुन् । फिल्ममा पन्तसँगै हेना नगरकोटी, मोनिका थापा, समापिका गौतम, र निकिता आचार्य लगायतको अभिनय छ । फिल्मलाई केही बलिउड फिल्ममा सह निर्देशन गरेका अनुराग प्रधान र नेपालमा पनि सह निर्देशकको रूपमा परिचित आस्था श्रेष्ठले संयुक्तरुपमा निर्देशन गरेका हुन् ।

फिल्ममा भोलाराज सापकोटा, मिथिला शर्मा, सरिता गिरी, किरण श्रेष्ठ, सुहानी खड्का, भवन घिमिरे, सुजन घिमिरे लगायतको पनि अभिनय छ । रोयल भीमसेनले डिजाइन गरेको पोस्टरमा कलेज लाइफका किशोरीलाई चित्रण गरिएको छ । पोस्टरको माथि ‘बेपत्ता भएको ६ वर्ष भयो’ भनेर लेखिएको छ ।

सिरुपाते कट्स प्रालिले निर्माण गरेको फिल्मका कार्यकारी निर्माता लुइसराज महर्जन हुन् । निर्माता आशिषराज महर्जन छन् भने सह निर्मातामा कुनालराज गुरुङ र रहिशराज महर्जन छन् । कथा आशिषराज महर्जनले लेखेका हुन् । पटकथा अभितेन्द्र र अनुराग प्रधानले लेखेका छन् । संवाद विष्णु गैरेले लेखेका छन् । छायाङ्कन रोशन राई र सञ्जय लामाले गरेका छन् ।

सम्पादन आशिषराज महर्जनले गरेका छन् र ध्वनि डिजाइन विकल प्रधानको छ । रङ्ग संयोजन राजेन्द्र मोक्तान, प्रोडक्सन डिजाइन किशोर नेपाल, कस्ट्युम डिजाइन एलेक्स बसुकला, मेकअप दिपु पौडेलको छ । प्रोडक्सन म्यानेजरको जिम्मेवारी यमप्रसाद ओलीले सम्हालेका छन् । फिल्म वितरण डिसिएनले गर्नेछ भने पब्लिसिटी डिजाइन ट्राइडेन्ट कन्सेप्टले गर्नेछ ।