‘नरसिंहा’ जोडीको रोमान्टिक अवतार

नायक राज कटुवाल र नायिका सनिसा भट्टराईले चैत्रको २९ गतेबाट रिलिजमा आउन लागेको फिल्म ‘नरसिंहाः अवतार’मा पर्दा शेयर गरेका छन् । यो फिल्ममा यी दुईलाई दर्शकले रोमान्टिक जोडीको रुपमा हेर्न पाउनेछन् । 

यही जोडीले हालै मात्र फोटोसुट समेत गरेको छ । जहाँ, उनीहरू एक अर्कासँगै निकै खुलेका छन् । राज र सनिषाको फोटोले मात्र पनि दर्शकलाई फिल्मप्रति कौतुहलता जगाउने  निश्चित छ । 

दिवाकर भट्टराइको निर्देशनमा तयार भएको यो फिल्ममा राजेश हमाल र नीति शाहको पनि मुख्य भूमिका छ । फिल्मका लागि राजले निकै मिहिनेत गरेका छन् । राजलाई दर्शकले फिल्ममा एक्सन र रोमान्टिक दुवै अवतारमा देख्न पाउनेछन् । सनिषाका लागि पनि यो फिल्म महत्वकांक्षी छ । 

राजले यो फिल्मलाई आफ्नो करिअरको दोस्रो इनिङ बताएका छन् । यसअघि पनि उनले केही फिल्ममा काम नगरेका होइनन् । तर, यसपटक भने राजको अभिनय, एक्सन, नृत्य र रोमान्सले दर्शकको ध्यान तान्ने अपेक्षा गर्न सकिन्छ । 

तस्वीर:  वि जोन