युट्युबमा दीपक रौनियारको 'सेतो सूर्य'

दीपक रौनियार निर्देशित फिल्म ‘सेतो सूर्य’ बाँसुरी फिल्म्सको युट्युब च्यानलबाट रिलिज भएको छ । रौनियारको अर्को फिल्म  ‘राजागञ्ज’ प्रदर्शनको लागि तयार हुँदै गर्दा टिमले चर्चित सेतो सूर्य फिल्म युट्युबमा रिलिज गरेका हुन्  ।

नेपालमा चलेको सशस्त्र द्वन्द्वको पृष्ठभूमिमा भनिएको कथामार्फत निर्देशक रौनियारले एउटै घरका दाजुभाइबिचको झगडा र विग्रहमार्फत नेपाली समाजमा द्वन्द्वले ल्याएको विभाजनको मर्मस्पर्शी कथा भन्ने प्रयत्न गरेका छन् । फिल्मको शीर्ष भूमिकामा दयाहाङ राई र रवीन्द्रसिंह बानियाँ छन् । फिल्ममा आशा मगराती, सुमी मल्ल, अमृत परियार, शारदा अधिकारी, दीपक क्षेत्री, देशभक्त खनाल, गणेश मुनाल, प्रमोद अग्रहरी, माओत्से गुरुङ, प्रमीला तुलाचन, अनिल खड्का लगायतको अभिनय छ । 

राष्ट्रिय तथा अन्तर्राष्ट्रिय रूपमै राम्रो समीक्षा प्राप्त गरेको यो फिल्म उक्त वर्ष नेपालबाट अस्करको अन्तर्राष्ट्रिय फिचर विधाको लागि सिफारिस भएको थियो । यो फिल्म भेनिस फिल्म फेस्टिभलमा वर्ल्ड प्रिमियर भएको थियो भने सन् २०१६ मा हलमा समेत प्रदर्शनमा आएको थियो ।

 आगामी १ चैतमा रौनियारको आगामी फिचर ‘राजागञ्ज’ हलमा रिलिज हुनुको झन्डै २ महिनाअघि युट्युबमा रिलिज भएको हो ।