‘होस्टेल ३’को नयाँ पोस्टरमा को–को अटाए ?

फिल्म ‘होस्टेल ३’को दोस्रो पोस्टर सार्वजनिक गरिएको छ । पहिलो पोस्टरले दर्शकको राम्रो साथ पाएपछि निर्माणपक्षले केही कलाकारहरूलाई समेत समावेश गर्दै नयाँ पोस्टर सार्वजनिक गरेको हो । फागुनको २३ गतेबाट रिलिजमा आउन लागेको यो फिल्म प्रतीक्षित छ ।

फिल्मको नयाँ पोस्टरमा आशिष घिमिरे, पारस बम, रिहान गिरी, पदम तामाङ, सिम्रन पन्त, हेना नगरकोटी, समा पराजुलीलाई स्थान दिइएको छ । राकेश दाहालले यो पोस्टर तयार पारेका हुन् ।

यो फिल्मले क्याम्पस जीवनका संघर्ष, मित्रता र रमाइलो क्षणहरूको कथा समेट्ने अपेक्षा धेरैको छ । 

सशान कँडेलको निर्देशनमा तयार भएको फिल्ममा माधव शर्माको स्क्रिप्ट छ । सम्मान इन्टरटेन्मेन्टले आरोन कन फिल्मसँगको सहकार्यमा यो फिल्म निर्माण गरेको हो । 

फिल्ममा सुरेश कँडेल, कर्ण कार्की र गोविन्द अधिकारीको लगानी छ । शंकर कोइराला फिल्मका कार्यकारी निर्माता हुन् । शिशिर ज्ञवाली, कुन्दन गुप्ता र अनिस सिग्देल सह–निर्माता रहेको फिल्ममा कोशिशराज क्षेत्री लाइन प्रोड्यूसरको रुपमा छन् । 

अर्जुन तिवारीको डीओपी, वुद्द थापा र मनोज खत्रीको सिनेमाटोग्राफी रहेको फिल्ममा अर्जुन पोखरेल, अल्मोडा राणा उप्रेती, महेश ज्ञवाली र किरण माइकलको संगीत छ । विकास दाहालको सम्पादन रहेको यो फिल्ममा प्रवीण सिंह र रोशन विश्वकर्माको कोरियोग्राफी, हिमाल केसीको एक्सन छ ।