मोडल हन्ट नेपाल’को नयाँ संस्करण सुरु

नेपालकै बृहत् र स्तरिय मानिएको मोडल हन्ट नेपालको ९ औं संस्करणसुरु भएको छ । आयोजक नेक्स्ट मोडल्स नेपालले मंगलबार एक विज्ञप्ती जारी गर्दै मोडल हन्ट नेपालको नयाँ संस्करणको आवेदन खुल्ला भएको जनाएको हो ।

'मोडल हन्ट नेपाल २०२४’का लागि पुरुषको हकमा ५ फिट ६ इन्च र महिलाको हकमा ५ फिट २ इन्च उचाई हुनुपर्ने प्रावधान छ । आवेदन फर्म खल्ती एपबाट भर्न सकिनेछ । १६ देखि २८ बर्ष उमेर हुनुपर्ने प्रावधान रहेको छ। 

मंसिर ७ गतेबाट सुरु हुने प्रतियोगीताको प्रारम्भिक चरणको अडिसनमा छानिएका प्रतियोगीलाई सबिता कार्कीले कोरियोग्राफी गर्नेछिन् । एक महिनाको प्रशिक्षणको क्रममा उनीहरुले व्यक्तित्व विकास, शारीरिक बनावट, र्याम्प वाक, बडी ल्याङ्ग्वेज, फोटोसुट, एक्सप्रेसन लगायतका ग्रुमिब कक्षा पनि लिनेछन् ।

व्यवसाहिक मोडल उत्पादन गर्ने उद्देश्यले विगत ८ वर्षदेखि नियमित आयोजना हुँदै आएको प्रतियोगितामा पछिल्लो समय युवायुवतीको आकर्षण समेत बढ्दो छ ।