बक्स अफिसमा ‘टाइगर ३’ले अपेक्षित कमाई गर्न किन सकेन ?
![](https://snowberry.prixacdn.net/media/gallery_folder/tiger%25203_w0uKnqW6gA_yeorehunhjpnczgiaijuxbpj0nzpmw1hdhnmpnnxivy0buqimao1h0pvvsxm_fnCkkXEvV7_buxyxmssjb2ytlcrgd62mkxz1uvbk1huwfvu20xveiu97xhshfz2adhzspyr.jpg)
यदि, भोलीबाट कुनै चमत्कार भएन भने स्पाई यूनिभर्स नाम दिएर यशराज ब्यानरले निर्माण गरेका फिल्ममध्ये ‘टाइगर ३’ले बक्स अफिसमा कुनै कमालको व्यापार नगर्ने पक्का देखिएको छ ।
यो फिल्म रिलिज अगाडि बक्स अफिसमा ६ सय करोडको आँकडा सहजै छुन्छ भन्ने प्रक्षेपण गरिएको थियो । तर, फिल्मको छैटौ दिनको बक्स अफिसले ३ सय करोडको आँकडा छुन पनि गाह्रो पर्ने देखिएको छ ।
यो फिल्मले पहिलो दिनमा ४३ करोड, दोश्रो दिनमा ५८ करोड, तेश्रो दिनमा ४४ करोड, चौथो दिनमा २० करोड, पाँचौ दिनमा १८ करोड र छैटौ दिनमा १३ करोडको व्यापार गरेको छ । फिल्मले शनिबार पनि व्यापारिक रुपमा कुनै चमत्कार नगरेको ट्रेडहरुले बताएका छन् ।
आइतबारबाट रिलिजमा आएको यो फिल्मले एक सातामा बक्स अफिसमा २ सय करोडको आँकडा मात्र पार गरेको छ । तर, फिल्मको व्यापारिक आँकडा हेर्दा भोली सोमबारबाट यसको व्यापार एकल अंकमा झर्ने निश्चित छ ।
सलमान खान, कट्रिना कैफ, इमरान हाश्मी जस्ता स्टार, स्पाई यूनिभर्सको फिल्म, नाम चलेको ब्रान्डको तेश्रो सिरिज, तिहारको बिदाले पनि फिल्मलाई फाइदा दिलाउन सकेन ।
यसको पछाडि, फिल्मको कथावस्तुलाई नै मुख्य आधार मानिएको छ । स्पाई यूनिभर्समा ‘एक था टाइगर, टाइगर जिन्दा हे, पठान, वार’ जस्ता फिल्म हेरेका दर्शकलाई यसको कथावस्तुले छोएन । निर्देशक मनिष शर्माको निर्देशन निकै नै फितलो देखियो ।
अर्कोतिर, यसपटक दर्शकले फिल्ममा सलमान खानको स्टाइल कमजोर भेटे । सलमानलाई यसपटक निर्देशकले कमजोर स्टाइलमा प्रस्तुत गरेका छन् । फिल्ममा इमरान हाश्मीलाई कमजोर भिलेनको रुपमा चित्रित गरिएको छ, जसले गर्दा नायक र खलनायकको भिडन्तमा दर्शकलाई मज्जा आएन ।
फिल्ममा पाकिस्तानकी प्रधानमन्त्रीलाई बचाउन भारतको एजेन्ट गएको देखाइएको छ । यसले पनि भारतीय दर्शकलाई छोएन । गीतसंगीतको मामालामा पनि फिल्म कमजोर देखियो । सलमानका यसअघिका फिल्म हिट गराउन गीतले महत्वपूर्ण भूमिका खेलेका थिए । तर, यो फिल्मको गीत पनि खासै बलियो बनेन । फिल्मको रिलिज मिति पनि सही नभएको धेरैको टिप्पणी छ ।
शुक्रबार रिलिज नगरेर फिल्मलाई किन आइतबार रिलिज गरियो भन्ने बारेमा पनि धेरैले प्रश्न उठाएका छन् । यही कारणले गर्दा स्पाई यूनिभर्सको यो फिल्म यसपटक चिप्लिएको छ । विश्वकप क्रिकेटले पनि फिल्मको व्यापारमा केही हदसम्म असर गरेको केहीको टिप्पणी छ ।
तर, क्रिकेट नभएको दिनमा पनि फिल्मले गतिलो व्यापार गर्न सकेको छैन । नायक सलमान खानलाई यो फिल्मबाट ठूलो आशा थियो । तर, यो फिल्मले पनि उनको डुब्दो करिअरलाई जोगाउन सकेन ।
![अक्षयको १४ फिल्म फ्लप हुँदा हजार करोड घाटा](https://snowberry.prixacdn.net/media/gallery_folder/akshya%2520kumar%2520latest%2520movie_Xo1ST5DGWT_oheyunoxqrd1m3raf3xv5szqbhaco9yz4ilkui9cgj3t2ucs97xcabbxn2ca_NptK9iNpsn_vdudgyevo0agq5t06c79obsjm9ps1hyj0nczpqebcn2iciihsh4pe450lkrf.jpg)
अक्षयको १४ फिल्म फ्लप हुँदा हजार करोड घाटा
![बलिउडका लागि ‘ब्याड न्यूज’ बन्यो गुड न्यूज](https://snowberry.prixacdn.net/media/gallery_folder/bad%2520news%2520movie_177Kax8qoA_jqfl44bidtqcumxahirr12dnkumbiyrsg2ataejfkaxxpwmlm1s3foe07eii_ZSE9b55sQk_it7ujzcpbwzfvywxrudqgkegxewy3jwr7h4ladtayptsfpzm9g4dkqznr6cr.jpg)
बलिउडका लागि ‘ब्याड न्यूज’ बन्यो गुड न्यूज
![अक्षयको फिल्मको ओपनिङ साढे २ करोड](https://snowberry.prixacdn.net/media/gallery_folder/sarfira_7x433pKsOu_dvuqhfa8yercglibgvqd3qraniqqeraixa4xsjozpqn9l7rvjilofvz9dzz5_LUbX6CSNXO_yo249ptutfouebw4uzkcvwkdik2dtv9fbrsiyfahtm5c1vby4s5qcqbdob4o.jpg)
अक्षयको फिल्मको ओपनिङ साढे २ करोड
![‘अल्फा’मा एजेन्टको भूमिकामा आलिया, बबी देओल भिलेन](https://snowberry.prixacdn.net/media/gallery_folder/alia%2520bhatta_EP1ZIi7Qfw_lq9v63ubyls3apitftznc7tgaonfczsvxbwdmqfzus7licwhhqwwkg1duddv_X1eMQdXr5g_7eqwsduvcoouzktnikrc6abwvmuh0pxxl0yjs2ssmmieqbxkuarrn6bzwb8s.jpg)
‘अल्फा’मा एजेन्टको भूमिकामा आलिया, बबी देओल भिलेन
![के अनुष्का र विराटले भारत छाडेका हुन् ?](https://snowberry.prixacdn.net/media/gallery_folder/birat%2520and%2520anuska_R9l9C6rBGe_xumqdsutoypayqopl87uukbia2l9v3lch8gfwtqszme5j1iagb2zsmjaottt_lSgaq00ZDM_h17oaswdwrchrdpekciqayvqq7jrinq9rmrzfaucw77moisbjykcldepzfrl.jpg)
के अनुष्का र विराटले भारत छाडेका हुन् ?
![प्रभाषको ‘कल्की’ले पहिलो दिनमै कमायो १९० करोड](https://snowberry.prixacdn.net/media/gallery_folder/kalki%2520movie_3ZL8Vio99s_3zkqtxn1atd68ooi7pzh2mo94mck68s5o30vzjsuy6bne0l8isrxvhysidph_mGxZ6SOc7s_lqqnegpddboieuxzl1q5ccnw8mvcxszf4583a3ej00jdsfquie5kb3m0hf3b.jpg)
प्रभाषको ‘कल्की’ले पहिलो दिनमै कमायो १९० करोड
![प्रभाष र अमिताभको ‘कल्की’लाई मिश्रित प्रतिक्रिया](https://snowberry.prixacdn.net/media/gallery_folder/kalki_uDMXV3lpUn_a9dzsnisfx0tewlnvugemrcq7iti1twhvytml2sn1kcnltxhdjt9w7foreni_P3vfzk24se_plhht2locrxl39rm37hnchaocua8ajfiytkukyptpqnr9xzyxfiqjsfws3mu.jpg)
प्रभाष र अमिताभको ‘कल्की’लाई मिश्रित प्रतिक्रिया
![बैबाहिक जीवनमा बाँधिइन् सोनाक्षी](https://snowberry.prixacdn.net/media/gallery_folder/sonaxi%2520marrige_miUZOva4Md_wdgtrmgctqo03oicrxrjucn3wepce2h9db5tpbrvduki67dv2mglgalafkb4_BrTycEQQDU_jauv68ln5lvdyjq1aubwijncbbhihuv0jlmaon5dxtqipnfbvxxkfmgabpws.jpg)
प्रतिक्रिया