बलिउड नायक साहरूख खानको दोहोरो भूमिका रहेको फिल्म ‘जवान’ले बक्स अफिसमा बम्पर व्यापार गरिरहेको छ । यो फिल्मले विश्व बजारमा ९ सय करोड माथिको व्यापार गरिसकेको छ । केही दिनमै फिल्मले विश्व बजारमा १ हजार करोडको आँकडा पार गर्नेछ । फिल्मले भारतीय बक्स अफिसमा आज मात्र ५ सय करोडको व्यापार गरेको छ । 

यसैबिच, यो फिल्मलाई रिलिजको ८ सातापछि ओटिटीमा रिलिज गरिने भएको छ । एट्लीको निर्देशनमा बनेको फिल्मलाई ओटिटीमा रिलिज गर्दा यसको समय २० मिनेट बढाइनेछ । हलमा २ घन्टा ४९ मिनेट लामो यो फिल्म अब ओटिटीमा आउँदा करिब ३ घण्टाको हुनेछ । फिल्मका निर्देशक एट्लीका अनुसार केही एक्सनका दृश्यहरू ओटिटीमा बढाएर सार्वजनिक गर्ने तयारी भइरहेको छ । 

यो फिल्मलाई नेटफ्लिक्सले खरिद गरेको हो । फिल्मलाई ओटीटीमा साढे २ सय करोडमा बिक्री गरिएको भारतीय मिडियाले उल्लेख गरेका छन् । 

साहरूख खान, नयनतारा, विजय सेतुपति, दीपिका पादुकोण, संजय दत्त लगायतका कलाकारको अभिनय रहेको यो फिल्मले तामिल भाषामा ५० करोडको व्यापार गरिसकेको छ ।

यो पनि पढ्नुहोस्

पठान र जवानका कारण बक्सअफिसमा शाहरुखको हजार करोडको रेकर्ड

११ दिनमै ‘जवान’को कमाई ८ सय ५० करोड

४ दिनमै ५ सय करोड क्लबमा साहरुखको ‘जवान’